جەنگ ئاستی هونەری لە ئامەد دابەزاندووە

جەنگ ئاستی هونەری لە ئامەد دابەزاندووە

رەمەزان هەرنی – زاری كرمانجی: گوڵدەن ئێرئاسلان، خاتوونە ئەكتەری شۆخی دیاری باكوری كوردستان، لە ماڵباتێكی هونەری چاوی بە دونیا هەڵهێناوەو لەسەر ڕێچكەی بنەماڵەكەی كاری هونەری دەكات، بەڵام لە بوارێكی جیاوازتر كە ئەویش نواندن و سینەمایە. لە دیمانەیەكی كورتدا، گوڵدەن بەو شێوەیە وەڵامی چەند پرسیارێكی زاری كرمانجی دەداتەوە.
پ : چی وای لێ كردی بواری شانۆ هەڵبژێریت جیاواز لە هونەری گۆرانی گوتن‌؟
گوڵدەن " لە منداڵییەوە ئارەزووی زۆرم بۆ شانۆ و نواندن هەبوو، بۆیە لە قۆناغی سەرەتایی خۆێندن، ئەو دەرفەتەم بۆ رەخسا كە بتوانم كار لە سەر ئەو حەزەی خۆم بكەم و ئاشنای سەر لەگەڵ ستەیچی شانۆی قوتابخانەكەم ئاشنا ببم و رۆڵی سەرەكی تێدا بێگڕم، لەو كاتەوە شانۆ بووەتە بەشێكی دانەبڕاو لە ژیانم و هەر بەردەوامم ".
پ : چی وایكرد دەرهێنەران گرینگیت پێ بدەن و حەز بكەن لە نێو بەرهەمەكانی ئەوان دەربكەویت ؟
گوڵدەن"دوای ئەوەی بە شێوەیەكی زۆرباش دەركەوتم لە بواری شانۆ و سەركەوتنێكی باشم بەدەست هێنا، لە باكوری كوردستان بوومە جێی بایەخ و گرینگی پێدانی دەرهێنەرانی فیلم و دراما و بەشداریم لە درامایەكی كوردی كردووە، ئەو درامایە بۆ ماوەی دوو ساڵ كارم تێدا كرد بەناوی "ژان" و زیاتر لە 35 ئەڵقە بوو" .
پ : بە گشتیی رەوشی هونەرمەندان و كاری هونەری لە باكوری كوردستان چۆن دەبینی؟
گوڵدەن"بەداخەوە لەبەر شەڕ و ئاژاوەی چەند ساڵی ڕابردوو، رەوشی هونەر لە ئامەد باش نییەو، كاری هونەری لەو ناوچەیە لاواز بووەو زۆر بەكەمی چالاكی هونەری دەكرێت، ئەمەش هونەرمەندانی باكوری كوردستانی پەرتەوازە كردووە" .
پ : جگە لە كاری هونەری و نواندن حەز دەكەیت لە چ بوارێكی تر كار بكەیت؟
گوڵدەن"حەز دەكەم جگە لە كاری هونەری، لە بواری راگەیاندنیش كار بكەم و وەك پێشكەشكار دەربكەوم، بۆ ئەو خەونەم هەوڵی زۆرم داوە و دڵنیاشم خەونەكەم دەبێت بە ڕاستی".

 

زۆرترین بینراو