حەبیب هێرش دەكاتە سەر كۆنەرو درێسەكەی دەفرۆشرێت

حەبیب هێرش دەكاتە سەر كۆنەرو درێسەكەی دەفرۆشرێت

زاری كرمانجی-ئاژانسە هەواڵە وەرزشیەكان: حەبیب نۆرماگۆمیدۆڤی یاریزانی هونەرە بەرگرییەكان و پاڵەوانی (UFC) هێرشی كردە سەر كۆنەر ماكگریگۆر بەهۆی ئەو گرتە ڤیدیۆیەی بڵاو بووەو تێیدا هێرش دەكاتە سەر كەسێكی بە تەمەن, حەبیب لە لێدوانێكیدا بۆ TMZ گووتی" كۆنەر كەسێكە رێزی گەورەو بچوكی نازانێت، ئەو یاریزانێكی پییشەگەرە دەبێ رێز لە رای ئەو كەسانە بگرێت كە لە خۆی گەورەترن، ئەو لەگەڵ ئەوەی پیشەگەرە، بەڵام زۆر نا بەرپرسانە مامەڵە لەگەڵ دەوروبەری دەكات, پێویستە دەسەڵاتدارانی ئێرلەندا لەو كارەی كۆنەر خۆش نەبن و لەسەر ئەو رەفتارەی كە هێرشی كردە سەر كەسێكی بە تەمەن، زیندانی بكرێت بۆ ئەوەی جارێكی دیكە رەفتاری لەو شێوەیە دووبارە نەكاتەوە", لە چەند رۆژی رابردوودا گرتەیەكی ڤیدیۆی بڵاوبووەوە كە كۆنەر ماكگریگۆری سكۆتلەندی دەچێتە چێشتخانەیەك و ویسكی پێشكەشی ئامادەبووان دەكات, یەكێك لە دانیشتوانی چێشتخانەكە دیارییەكەی كۆنەر رەتدەكاتەوەو ئەو یاریزانەش هێرش دەكاتە سەری و بۆكسێك دەكێشێت بەسەریدا.
لە لایەكی دیكەوە دەستن پۆریەری یاریزانی هونەرە بەرگرییەكان و پاڵەوانی یارییەكانی (UFC) دوای ئەنجامدانی دواین یاری لەگەڵ حەبیب نۆرماگۆمیدۆفی روسی، لە زیادكردنێكی ئاشكرادا درێسی ئەو پاڵەوانە روسییەی فرۆشت, حەبیب و دەستن ماویەك بەر لە ئێستاو لە یاری (UFC) 243 رووبەڕووی یەكتربوونەوە بۆ كێشی خوار مام ناوەندو تێیدا حەبیب سەركەوتنی بەسەر ئەو یاریزانە بەدەستهێنا, پێگەی mmajunkie ئاشكرایكرد كە پۆریەر بە بەهای 60 هەزار دۆلار درێسەكەی حەبیبی لە زیادكردنێكی ئاشكرادا فرۆشتووەو پارەكەی بەخشیوەتە رێكخراوێكی خێرخوازی, پێشتر حەبیبیش بە هەمان شێوە درێسەكەی پۆریەری بە بەهای 100 هەزار دۆلار فرۆشت و پارەكەی بەخشییە هەمان رێكخراوی خێرخوازی.

بابەتى پەیوەندیدار وەرزشى

بیروڕا

زۆرترین بینراو