خراپی رێگاوبانەكان لە سنووری ناحیەی خەلیفان پەیوەندی بەلایەنی داراییەوە هەیە

خراپی رێگاوبانەكان لە سنووری ناحیەی خەلیفان پەیوەندی بەلایەنی داراییەوە هەیە

بەڕێوەبەری ناحیەی خەلیفان دەڵێ:" خراپی رێگاوبانەكان لە سنووری ناحیەی خەلیفان پەیوەندی بەلایەنی داراییەوە هەیە، بەڵام لەگەڵ ئەوەش لە هەوڵەكانمان بەردەوامین بۆ چاككردنی رێگاوبانەكانی سنوورەكە.

كاروان كەریمخان، بەڕێوەبەری ناحیەی خەلیفان بۆ ماڵپەڕی زاری كرمانجی گوتی:" چاكنەكردنی رێگا و بانەكان بە شێوەیەكی باش پەیوەندی بە لایەنی داراییەوە هەیە، بەڵا تایبەت بەو رێگایە دەرخستەمان كردووە بۆ تەواوی ناحیەی خەلیفان و رێگای دۆڵی ئاڵانەو دۆڵی مەلەكان و گوندەكانی دۆڵی خەلان بیاو تامەزرۆین بۆ چاككردنیان و هەوڵی تەواومانداوە و ئامادەین لە هەموو دەرگایەكیش بدەین، بەڵام ئەمە دەگەڕێتەوە سەر ئەو بڕە پارەیەی لە لایەن حكومەتەوە تەرخان دەكرێت، ئەوەندەی ئاگادارین بڕیارە بڕە پارەیەك تەرخانبكرێت بۆ رێگاو بان، بەڵام مەرج نییە تەنها بۆ خەلیفان بێت، بۆ رێگای گەلی علی بەگ داوامان بەرز كردۆتەوە بۆ سەرۆك وەزیرانی كابینەی هەشتەم خۆشبەختانە لە ماوەیەكی زوودا بەپیر داواكەمانەوە هاتن و بڕە پارەیەك تەرخانكرا بۆ پرۆژەكانی رێگای سرێشمە و دوو سایدی سۆران و پێچە ئاوهەڵدێرەكانی گەلی علی بەگ، پڕۆژەكە راستەوخۆ لەلایەن كەرتی ئەندازیارانی پارێزگای هەولێر و سنووری قەزای سۆران بەڕێوەچوو، دیارە كەموكورتیشی تێداییە ئێمە داوای بە دوواداچونمان كردووە، بەڵام هەڵكەوتەی شوێنەكە وایە ئاوی بە بەردەوام لەسەرە ( زەنەكە) بە بەردەوام لم دەچێتەوە سەر جادەكە تاكە چارەسەر درووست كردنی دیواری پاڵپشتە.

زۆرترین بینراو