خولێكی فۆتۆگرافی بۆ 30 ئافرەتی قەزای سۆران كرایەوە

خولێكی فۆتۆگرافی بۆ 30 ئافرەتی قەزای سۆران كرایەوە

زاری كرمانجی-سۆران: ئەنجوومەنی سۆرانی یەكێتی ئافرەتانی كوردستان، لەژێرناوی (با ئافرەتانیشمان فۆتوگرافەربن) خولێكی فۆتۆگرافی، بۆ ژمارەیەك ئافرەتی شاری سۆران بەڕێوەدەبات.
نازانین عەزیز، به‌رپرسی ئەنجوومەنی سۆرانی یەكێتی ئافرەتانی كوردستان، بەزاری كرمانجی راگەیاند " بەبۆنەی 16ی ئاب یادی دامەزراندنی پارتی دیموكراتی كوردستان و 19 ئاب ڕۆژی جیهانی فۆتۆگرافی، وەك ئەنجوومەنی سۆرانی یەكێتی ئافرەتانی كوردستان، هەستاین بە كردنەوەی خولێكی فۆتۆگرافی، بە ناونیشانی (با ئافرەتانیشمان فۆتوگرافەربن) بۆ 30 ئافرەتی سنووری قەزای سۆران".
گووتیشی " خولەكە بۆ ماوەی 10 ڕۆژ بەردەوام دەبێت، لەلایەن مامۆستا و فۆتۆگرافەری نێودەوڵەتی ( صابر دری ) بەڕێوە دەبردرێت، لەكۆتایشدا بە هاوكاری گروپی هانا، خەڵات پێشكەش بە یەكەم و دووەم و سێیەمی خولەكە دەكرێت.

زۆرترین بینراو