خەڵكی ناوچە سنوورییەكان لە ترس و دڵەڕاوكێدا دەژین

خەڵكی ناوچە سنوورییەكان لە ترس و دڵەڕاوكێدا دەژین

بەڕێوەبەری ناحیەی شێروان مەزن لە سنووری قەزای مێرگەسۆر رایگەیاند، لەبەر هەبوونی بنكە و بارەگاكانی پەكەكە هێزەكانی توركیا لە چەندین شوێن هاتونەتە پێشەوە، ئەوەش ترس و دڵەڕاوكێی لای دانیشتوانی ناوچەكە پەیداكردووە.
كۆڤان رەشید، بەڕێوەبەری ناحیەی شێروان مەزن بۆ ماڵپەڕی زاری كرمانجی گوتی:" لەبەر هەبوونی بنكە و بارەگاكانی پەكەكە هێزەكانی توركیا رۆژ بۆ رۆژ خاكی كوردستان دەبەزێنن، زیاتر لە ساڵێك دەبێت هاتوونەتە سەر چیای بۆتین كە دەكەوێتە ناو خاكی هەرێمی كوردستان، هەروەها لەلای پائیرا لە نزیك گوندی هەلانیا بەودوایە هاتوونەتە پێشەوە و خاكی كوردستانیان بەزاندووە.
بەڕێوەبەری ناحیەی شێروان مەزن گوتیشی:" هەبوونی بنكە و بارەگانی پەكەكە و هاتنە پێشەوەی هێزەكانی توركیا ترس و دڵەڕاوكێی لای خەڵكی ناوچەكە پەیدا كردووە.
كۆڤان رەشید، دەشڵێ:" چەندین جار بە پەكەكە و هێزەكانی توركیا گوتراوە، خەڵك پێی گوتووە، بەڵام گوێ بە كەس نادەن، ئەگەرنا ئەو شەڕەی لە ناوچەكانی ئێمە دەكەن دەبێت لەسنووری خەباتی خۆیان بكەن كە باكووری كوردستانە.

زۆرترین بینراو