دكتۆر ئەحمەد بووە راهێنەری گۆڕەپان و مەیدانی یانەی سلێمانی

دكتۆر ئەحمەد بووە راهێنەری گۆڕەپان و مەیدانی یانەی سلێمانی

زاری كرمانجی: ئیدارەی یانەی سلێمانی دوای چەند دانیشتنێك لەگەڵ دكتۆر ئەحمەد بەهادین، گەیشتتە رێككەوتن بۆ ئەوەی تیپێكی تۆكمەو ژێرخانێكی بەهێز لە یارییەكانی گۆڕەپان و مەیدان بۆ یانەكە درووست بكات.
لەگەڵ پەیوەندیكردنی دكتۆر ئەحمەد بە یانەی سلێمانیەوە، حەوت یاریزان و پاڵەوانی گۆڕەپان و مەیدانی كوردستان و عێراقیش هاتنە ِیزی یانەی سلێمانیەوە، بەم نزیكانەش بە سەرپەرشتی دكتۆر ئەحمەد بەهادین، یانەی سلێمانی فێرگەی گۆڕەپان و مەیدان دادەمەزرێنێت.
یاریزانەكانی تیپی گۆڕەپان و مەیدانی یانەی سلێمانی بریتین لە (كوردستان بەمۆ، هۆنیا رفعت، خێڵان بەهادن، هۆستان بەمۆ، هەردی ئازاد، بنار محمد و ئەلەند عزیز).
لە چەند رۆژی داهاتووداو دوای تێپەڕاندنی دۆخی خراپی كورۆنا، لە كۆنگرەیەكی رۆژنامەوانیدا ستافی نوێ و یاریزانانی تیپی گۆڕەپان و مەیدانی یانەی سلێمانی پێشكەشی میدیاكان دەكرێت.
دكتۆر ئەحمەد, راهێنەری هەڵبژاردەی عێراقەو 10 ساڵی كاركردنی لە یانەی پێشمەرگە پلەی یەكەمی كچانی بۆ عێراق لەسەریەك بەدەستهێناوەو خاوەنی زۆرترین پاڵەوانە لەكچان و كوڕان كە گەشتونەتە هەڵبژاردەی عێراق و ریكۆردی كوردستان و عێراقیان شكاندوە، دوو ساڵە لە هیچ یانەیەك نیەو بەخۆبەخش مەشقی چەند پاڵەوانێكی یانەی پیشمەرگەی سلێمانی كردوە، ئێستا بە گەڕانەوەی بۆ یانەی سلێمانی خۆشحاڵەو لەپێشدا پاڵەوانی عێراق بووەو بۆ سلێمانیش یاری كردوەو راهێنەر بووەو ساڵانێكیش ئەندامی دەستەی كارگێڕی یانەی سلێمانی بووە, ئێستا ئەیەوێت بە خۆبەخش دوا وێستگەی خزمەتی یانەی سلێمانی بكات .

بیروڕا

زۆرترین بینراو