دوای سێ‌ رۆژ تەرمی منداڵەكە دۆزرایەوە

دوای سێ‌ رۆژ تەرمی منداڵەكە دۆزرایەوە

دوای زیاتر لە سێ‌ رۆژ خنكانی تەرمی منداڵێكی شارۆچكەی چەمچەماڵ، لە روباری سەكران دۆزرایەوە، بە دووری كیلۆمەترێك لە شوێنی رووداوەكە.
راید بەیار باڵەكی، بەرپرسی راگەیاندنی بەڕێوەبەرایەتی بەرگری شارستانی سۆران، بەزاری كرمانجی راگەیاند ئێوارەی رۆژی هەینی رابردوو منداڵێكی تەمەن چوار ساڵ بەناوی "ئارام هێمن" خەڵكی قەزای چەمچەماڵ، بەمەبەستی گەشتوسەیران، هاتبووە گەلی سەكران لە دەڤەری باڵەكایەتی كەچی بەداخەوە منداڵەكە كەوتە ناو رووبارو دیارنەمابوو.
گووتیشی "بۆ دۆزینەوەی تەرمی منداڵەكە تیمەكانمان لە بەرگری شارستانی سۆران و چۆمان و ناوچەكەو هاووڵاتیان دەستیان كرد بەگەڕان، پێشنیوەڕۆی ئەمڕۆ دووشەممە 17-6-2019 بە دووری نزیكەی دوو كیلۆ مەتر لە شوێنی رووداوەكە لەلایەن تیمی بەرگری شارستانی چۆمان تەرمی منداڵەكە بە خنكاوی دۆزرایەوە.

 

 

 

زۆرترین بینراو