دوو هەزار و 301 نەشتەرگەری لە نەخۆشخانەی ئاشتی ئەنجامدراوە

دوو هەزار و 301 نەشتەرگەری لە نەخۆشخانەی ئاشتی ئەنجامدراوە

زاری كرمانجی-سۆران: نەخۆشخانەی ئاشتی سۆران، ژمارەی ئەو كەسانەی كە ساڵی رابردوو سەردانی نەخۆشخانەیان كردووە، لەگەڵ ئاماری مردن و رووداوەكان و نەشتەرگەری و پشكنینەكان و تیشك بۆ زاری كرمانجی دەخاتەروو.
بەپێی ئامارێكی نەخۆشخانەی ئاشتی سۆران، لە ساڵی 2019 زیاتر لە 122 هەزار و 518 نەخۆش سەردانی نەخۆشخانەكەیان كردووە، هەروەها 470 رووداوی ئۆتۆمبێل هەبووە، لەگەڵ 383 رووداوی سووتان و 31 رووداوی گوللە، هەروەها 2 هەزار و 301 كەس نەشتەرگەریان بۆ ئەنجامدراوە، ناوی 50 كەس بە مردنی لەناكاو تۆمار كراوە، زیاتر لە پێنج هەزار و 52 كەسیش خەوێندراون، هەروەها 32 هەزار و 516 كەس سەردانی بەشی فریاكەوتنی نەخۆشخانەی ئاشتیان كردووە، چارەسەری سروشتی بۆ 9 هەزار و 599 كەس ئەنجامدراوە".
سەبارەت بەرێژەی پشكنینەكانی تاقیگەو تیشك لەئامارەكەی نەخۆشخانەی ئاشتی ئەوە خراوەتە روو " لەبەشی تاقیگە پشكنین بۆ 424 هەزار و 33 كەس كراوە، لەگەڵ ئەنجامدانی 7 هەزار و 588 سۆنەر و ئەنجامدانی 20 هەزار و 432 تیشك، زیاتر لە 7 هەزار و 831 ئیكۆ، هەروەها 8 هەزار و 462 هێڵكاری دڵ كراوە، سیتسكان بۆ 3 هەزار و 276 كەس ئەنجامدراوە، هەروەها 3 هەزار (MRI)، لەگەڵ ئەنجامدانی 352 قەستەرەی دڵ، هەروەها شەبەكە بالۆن بۆ 114 كەس كراوە".

زۆرترین بینراو