دیدەوانی دوێنێ... ئەمڕۆ... بەیانی

دیدەوانی دوێنێ... ئەمڕۆ... بەیانی

 

دیدەوانی وەكو بزووتنەوەیەكی وەرزشی مێژوویەكی كۆنی هەیەو لەسەرجەم وڵاتانی جیهانی گرینگی پێ دەدرێت و ساڵانە چەندین كۆبوونەوەو چادرگەی دیدەوانی ساز دەكرێت لەسەر ئاستی قوتابخانەكان و زانكۆكان و تەنانەت لێپرسراوانی وڵاتانیش، ڕۆژهەڵاتی ناوەڕاست بەگشتی و وڵاتانی عەرەبی بەتایبەتی لەم بزووتنەوەیە دوور نەبوونە، عێراقیش لە كۆنەوەو لە ساڵانی بیستەكانی سەدەی ڕابردوو دیدەوانی سازكراوەو ساڵ دوای ساڵیش گەشەی كردوەو چەندەها مامۆستا بەشداریان كردوەو بەسەركەوتوانە بڕوانامەو (شارەی خەشەبیان) بەدەست هێناوەو وەكو سەركردەیەك ڕۆڵی خۆیان لەبەرەو پێش بردنی دیدەوانی گێڕاوە، لەسەرەتای ‌ساڵانی دوو هەزارەكان لە كوردستان دیدەوانی ڕۆڵی باشی بینی و ساڵانە كۆبونەوەی دیدەوانی (پاییزەو بەهارە ) ساز دەكرا، ئەمە جگە لە وەرزی هاوین كە هاوینەهەوارەكان خولی سەركردە بەردەوام ئەنجام دەدراو تیایدا چەندین وانەی جۆراو جۆر دەخوێندرا، لێرەدا چەند سوودێكی دیدەوانی بە بیر ئازیزان و مامۆستایان و وەرزشوانان و خوێنەران دەهێنمەوە...
دیدەوانی كەسانی وا دروست دەكات كە خەم خۆری وڵات و نیشتمان بن.
دیدەوان فێری پابەند بوون بە كات دەكات.
دیدەوان فێری متمانە بە خۆ بوون دەكات، لە هەر ئەركێك كە پێی دەسپێردرێت.
ناسین و ئاشنا بوونی شوێنە كەلتووری و كۆنەكان و چۆنیەتی پاراستنیان ئەركی سەشانی دیدەوانە .
پاراستنی ژینگە و گرینگی دان بە سەوزایی لەكارە سەرەكیەكانی دیدەوانە.
یەكتر ناسین و پتەوكردنی گیانی هاوڕێیە تی لە نێوان دیدەوانان پێویستەو ئالوگۆڕ كردنی بیروڕاكانیان بۆ دەوڵەمەند كردنی زانیاری یەكتریە.
ئەمانەو چەندین سوودی تر كە بزووتنەوەی دیدەوانی هەیەتی، بەڵام بەداخەوە لای خۆمان ساڵ لە دوای ساڵ كاڵ دەبێتەوەو ئەگەر وا بڕوات لە چەند ساڵی داهاتوو ئەم ناوە نامینێ و دەبێتە مێژوویەكی لەیاد كراو.جامی پریمەر لیگ و پیشەگەران و یەكێتی ئینگڵتڕا...

بابەتى پەیوەندیدار وەرزشى

زۆرترین بینراو