دەروازەی حاجی ئۆمەران بەرووی گەشتیاراندا داخرا

دەروازەی حاجی ئۆمەران بەرووی گەشتیاراندا داخرا

بەپێی بریاری وەزارەتی ناوخۆی حكوومەتی هەرێمی كوردستان كە وێنەیەكی بریارەكە ئاراستەی دەروازەی نێودەولەتی حاجی ئۆمەرانیش كراوە، لە كاتژمێر ١٢ ی شەوی رابردوو لە رووی گەشتیارییەوە دەروازەی حاجی ئۆمەران داخراوە، لە بریارەكەدا هاتووە بە راگرتنی پێدانی ڤیزەی هاتنە ژوورەوە بۆ هەڵگرانی پاسپۆرتی وڵاتی ئێران لە رێگای دەروازە سنورییەكانەوە تا كاتێكی نادیار و هەروەها راگرتنی گەشتی هاووڵاتیانی هەرێمی كوردستان و عێراق بۆ وڵاتی ئێران تا كاتێكی نادیار، ئەو هاووڵاتیانەی هەرێمی كوردستان و عێراق كە لە وڵاتی ئێران دەگەرێنەوە جیا دەكرێنەوە و پشكنینی وردیان بۆ دەكرێت بە مەبەستی دڵنیا بوون لە تووش نەبوونیان بە ڤایرۆسی كۆڕۆنا.
سەبارەت بەجوولەی بازرگانی لە دوای راوێژ لەگەڵ وەزارەتی ناوخۆ و وەزارەتی دارایی و ئابوری ئاگاداری بڵاو دەكەینەوە. بۆیە داوا لە هەموو هاووڵاتیانی كوردستان دەكەین بە مەبەستی گەشت كردن بۆ ئێران سەرەدانی دەروازەی حاجی ئۆمەران نەكەن و هاووڵاتیانی ئێرانیش بە مەبەستی گەشت كردن بۆ هەرێمی كوردستان سەرەدانی دەروازەی حاجی ئۆمەران نەكەن.

ڕاگەیاندن و پەیوەندییەكانی
كۆمەڵگای دەروازەی نێودەوڵەتی حاجی ئۆمەران

زۆرترین بینراو