دەستەی كارگێڕی پەیمانگای زاگرۆس " لە بەڕێوەبردنی خوێندی ئۆنلاین سەركەوتوو بووین

دەستەی كارگێڕی پەیمانگای زاگرۆس " لە بەڕێوەبردنی خوێندی ئۆنلاین سەركەوتوو بووین

راپۆرت-محەمەد هەسنانی
مامۆستایانی دەستەی كارگێڕی پەیمانگای زاگرۆس لە دەڤەری سۆران ئاشكرای دەكەن " كە هەر لەگەڵ كردنەوەی پەیمانگەكەیان، هەوڵیانداوە بە بەكارهێنانی ماڵپەری تایبەت و پۆرتاڵی تایبەت بە پەیمانگە، ئەوەش سوودی زۆری هەبووە، بۆ ئەوەی قوتابیانیان لە خوێندنی ئۆنلاین سەركەووتووبن و لە خوێندنەكەیان دانەبڕێن.
م. هۆشەنگ قاسم، یاریدەدەری بەڕێوەبەری پەیمانگای زاگرۆس بە زاری كرمانجی راگەیاند " لە پەیمانگەی زاگرۆس هەر لە رۆژی دامەزراندنیەوە لەگەل ستافە بە تواناكەمان بڕیاری بەكارهێنانی تەكنەلۆژیامانداوە، ئەوەیش بە بەكارهێنانی ماڵپەری تایبەت و پۆرتاڵی تایبەت بە پەیمانگە بۆ ئەوەی قوتابی بتوانیت بەئاسانترین شێوە دەستی بە بابەتەكان بگات و بە شێوەیەكی ئەكادیمی بتوانێت گفتوگۆ لەگەل مامۆستاكانی بكات، هەروەها گرنگی دان بە قوتابی بۆ ئامادەكردنی راپۆرت نووسینی بیرۆكەكانیان لەسەر بابەتە سەردەمییەكان"
م. راژان ئەحمەد سەرۆكی بەشی كارگێری پەیمانگای زاگرۆس بە زاری كرمانجی گووت " پەیمانگەی زاگرۆس تاكە پەیمانگەی ناحكومیە لە هەموو سۆران و دەوروبەری كە جگە لە بەشی كۆمپیوتەر هەردووك بەشی كارگێڕی و ژمێریاریشی هەیە، تووانی پرۆسەی خوێندنی ئۆنلاین سەركەووتوانە بەرێوە ببات و بەدەوامیش كار لەسەر پێشكەوتنی بووارەكە دەكرێت".
م. جیهاد ئەرگۆشی بەرپرسی بەشی تۆمارەكان لە پەیمانگای زاگرۆس زاگرۆس، بۆ زاری كرمانجی گووتی " دوای تەشەنەسەندنی ڤایروسی covid 19 و هاتنەكایەی هەڵومەرجێكی ناهەموار كەم تا زۆر پرۆسەی خوێندن لە زۆربەی ناوەندە زانستیەكان پەكی كەوت، ئەمەش پالنەرێكی سەرەكی بوو بۆ دابڕاندنی قوتابیان و خوێندكاران لە وانەكانیان، بۆیە لە ژێر رێنماییەكانی وەزارەتی پەروەردە، بە هەوڵ و ماندووبونی دەستەی كارگێری پەیمانگەكەمان، هەوڵماندا بۆ پڕكردنەوەی ئەم بوشایی زانستیە دەست بكەین، بە خوێندنی ئۆنلاین و سەركەوتنی باش بەدەست بهێنین".

زۆرترین بینراو