دەست لەكار كێشانەوەی لە ناو كۆمەڵی ئیسلامی بەردەوامە

دەست لەكار كێشانەوەی لە ناو كۆمەڵی ئیسلامی بەردەوامە


ژمارەیەك لە كادیرانی كۆمەڵی ئیسلامی كە ئافرەتن دەست لەكار كێشانەوەی خۆیان لە كۆمەڵی ئیسلامی راگەیاند.
ئەو ئافرەتانە كارگێڕانی مەڵبەندی 11ی كۆمەڵی ئیسلامین لە هەولێر هۆكاری دەست لە كار كێشانەوەكانیان بۆ بێ‌ منەتی كۆمەڵ دەگێرنەوە.
لە بەیاننامەكەدا كە ئەمڕۆ 29-5-2019 بڵاو كراوەتەوە و ناوی هەر 7 كەسەكەی بە پۆستەكانیانەوە لێ نووسراوە هاتووە " ئێمە كە لە خوارە ناو و پلەی حزبیمان هاتووە، وەك بەشێك لە ئەندامانی سنووری هەولێر، لە بەرانبەر ئەو بێباكی و بێ منەتییەی سەركردایەتی كۆمەڵ بەرانبەر ئەو كادرە ماندوونەناسانە نواندوویەتی، دەیان كەس دەست لەكار دەكێشنەوە، كەچی كەس خۆی لێ ناكات بەخاوەن، بۆیە ئێمەش نامانەوێ بەلایەنی كەم ببین بە بەشێك لەو بێدەنگییە، دەست لە كاركێشانەوەی خۆمان لە هەر كارێكی حزبی و رێكخراوەیی لە كۆمەڵی ئیسلامی ڕادەگەیەنین".

ئەو كەسانەی دەستیان لەكاركێشاوەتەوە بریتین لە ئەنجوومەنی دەشتی هەولێر سەر بە مەڵبەندی 11ـی دەورووبەر.
1- شیرین حەكیم كارگێڕی ئەنجوومەن
2- شەیما رەشاد كارگێڕی ئەنجوومەن
3- زەینەب رەسووڵ ‌كارگێڕی ئەنجوومەن
4- ژیان حەسەن‌ ئەندامی ئەنجوومەن
5- كەوسەر حەكیم ئەندامی ئەنجوومەن
6- شەهێن سمایل ئەندامی ئەنجوومەن
7- مهاباد رەزا ئەندامی ئەنجوومەن

زۆرترین بینراو