دەڤەری سۆران لەبارترین ناوچەیە بۆ دروستكردنی بەنداو كەچی پەراوێز خراوە

دەڤەری سۆران لەبارترین ناوچەیە بۆ دروستكردنی بەنداو كەچی پەراوێز خراوە

راپۆرت-زاری كرمانجی: هاووڵاتییانی دەڤەری سۆران، لە راپۆرتێكی زاری كرمانجیدا لایەنە پەیوندیدارەكان بەكەمتەرخەم دەزانن، كە تائێستا نەتوانراوە چەند دەریاچەو بەنداوێك لە ناوچەكە دروست بكرێن، كە پێویستییەكی هەرە گرینگە.
درووست كردنی بەنداو لە هەر ناوچەیەك چەند سوود و تایبەت مەندی خۆی هەیە، لە دیارترین سوودەكانی بەنداو، بەرهەمی ماسی و ئاوی ژیر زەوی زیاد دەكات ، كەمكردنەوە یاخود ریگری دەكات لە رووداوی لافاو، دەبیتە ناوچەیەكی گەشت و گوزار ، هەروەها سودی هەیە بۆ ناوچە كشتوكالیەكان، هۆكارێكی گرنگ دەبێت بۆ بەرهەم هینانی كارەبا وەك ووزەیەكی كهرۆ ئاوی، كاریگەری هەیە لە سەر ئاوهەوای ناوچەكە، هەندیك جار وەك فشاری سیاسیش بەكاردەهیندرێت .
شەمسەدین سەعید، خەڵكی دەڤەری سۆران، بە زاری كرمانجی راگەیاند " دەڤەری سۆران، ناوچەكی فراوان و پر خێرو بەرەكتە و گونجاوە بۆ وەبەرهێنان و پڕۆژە، كەچی ئەوەی لەلای من سەیرە بۆ كەسێك خاون داریەتی خۆی ناگێتە دەست و هەنگاو نانێ بۆ دروست كردنی پرۆژەی گەورە، بۆ نموونە دروستكردنی بەنداو دەریاچە كە هەڵكەوتەی جوگرافیای سۆران لەبارترین شوێنە بۆ دەریاچەو گلدانەوی ئاو، كە دواجار دەبێتە جوان كردنی سیمای دەڤەرەكەو سودەكانی گەشتیاریو كارەباو بەرهەمی ماسی و پاك كردنەوەی هەوای ناوچەكە و هێنانی سەدان هەزار گەشتیارو دروست كردنی بازاڕی گەشتیاری سەردەریا و سەوز كردنی دەشتایی و سامانی ماسی و نەهێشتنی بێكاری لەو سنوورە".
گووتیشی " ئەوەی جێگەی پرسیارە؟ ئایا بۆ تائێستا لایەنە پەیوەندیدارەكانی دەڤەری سۆران، بەرنامەو پلانێكی وایان نەبووە، بۆ دروستكردنی دەریاچەیەك لە دەڤەرەكە، بەهیوام ئەمە بخرێتە پلان و بەرنامە پێموایە گونجاوترین شوێنیش لە كاولۆكان تا خەرەندی رواندزە بۆ دروستكردنی بەنداو.
بارزان محەمەد، بەڕێوەبەری گەشتوگوزاری سۆران، بە زاری كرمانجی گووت " بە بوونی دەریاچەو بەنداو لە دەڤەرەكەمان رێژەی هاتنی گەشتیاران بە شێوەیەكی بەرچاو روو لە بەرزكردنەوە دەكات، چونكە دەبێتە هۆی دروستكردنی چەند پڕۆژەیەكی گەشتیاری دانانی بەلەم و دروستبوونی شەلال و هتد.. لەگەڵ ئەوەشدا سوودی دەبێت بۆ سامانی ماسی و خەزنكردنی ئاوی خواردنەوەو بۆ كشتوكاڵ و ئاودێری و پڕۆژەی دروستكردنی كارەباو چەندین پێداویستی دیكەی گرین، كە راستەوخۆ كاریگەری دەبێت لەسەر بوژانەوەی ئابووری وڵات و ناوچەكە بەتایبەتی".
ئاماژەشی بەوەدا " هیوادارین لەداهاتوودا گرینگی ئەو تۆ بەم جۆرە پڕۆژانە بدرێت و هەوڵی دروستكردنی چەند بەنداوێكی بچوك لە دەڤەرەكە بدرێت، بۆ ئەوەی لەداهاتوودا سوودیان لێوەربگیرێت و ئەم هەموو ئاوەش كە لە سەرچاوە ئاوییەكان دەڕژێت چیتر بەهەدەر نەڕوات و كۆبكرێتەوە.
لەلایەن خۆیەوە كرمانج عیزەت، قائیمقامی سۆران، بە زاری كرمانجی راگەیاند " بوونی بەنداو لە هەرشوێنێك گرینگی و كاریگەری باشی هەیە لەسەر لایەنی ئابووری لە چەندین رووەوە، سەبارەی بە دەڤەری سۆرانیش لە پلان و بەرنامەی حكوومەتدا هەبووە كە چەند بەنداوێك لە گەلی عەلی بەگ و سنووری ناحیەی سیدەكان و چەند شوێنێكی دیكەی لەبار بۆ بوونی بەنداو، بەڵام بەهۆی ئەم بارودۆخەی لەم چاند ساڵەی رابردوو هاتە ئاراوەو دروستبوونی قەیرانی دارایی تائێستا نەتوانراوە ئەم پڕۆژەیە بكەوێتە واری جێبەجێكردن و بە كرداری جێبەجێ‌ بكرێت".
گووتیشی " هیوادارین لەداهاتوودا بواری ئەوە بڕەخسێت كە كار لەسەر ئەم پڕۆژە گرینگانە بكرێت، چونكە دروستكردنی بەنداو و دەریاچە لە چەندین رووەوە گرینگی و تایبەتمەندی خۆی هەیەو دەڤەری سۆرانیش بۆ ئەم مەبەستە چەند شوێنێكی گونجاو و لەباری هەیە بۆ دروستكردنی بەنداو، بەڵام بۆ ئەمە پێویستی بە خەرجی و بودجەیەكی تایبەتە.

 

بیروڕا

زۆرترین بینراو