دەڤەری سۆران نێوندێكی ئارام بۆ ژیانی ئاوارەكان

دەڤەری سۆران نێوندێكی ئارام بۆ ژیانی ئاوارەكان

ئا- گۆران سەلمان: بەڕێوەبەری كۆچ و كۆچبەرانی سۆران، بە زاری كرمانجی رایگەیاند" بەشی هەرە زۆری ئەو ئاوارانەی ڕوویان لە دەڤەری سۆران كردبوو گەراونەتەوە شوێنی خۆیان، بێ ئەوەی هیچ گوشارێكیان لێ بكەین، بە حەز و خواستی خۆیان ئەو بڕیارەیان داوە".
لە دەستپێكی قسەكانیدا، عەباس شێروانی، لەبارەی ژمارە و جۆری ئاوارەكانی سنوورەكە گووتی " ئاوارەكانی سۆران چەند جۆریكن و لە چەند شوێنێكەوە هاتوون، لەوانەش نەتەوەی عەرەب و كوردانی باكوور، كە ژمارەیان 5500 خێزانە، وێڕای ئەوەی ئاوارە گەڕاوەكانی شۆڕشی ئەیلول لە سنوورەكە هەن كە ئاوارەی ئێران بوون و‌ ژمارەیان 26000 خێزانە و لە سنووری حاجی ئۆمەران گەڕاونەتەوە".
شێروانی، لە درێژەی گوەتەكانیدا شوێنی نیشتەجێ‌ بوونی ئاوارەكانی خستەڕوو و هاوكات ئاماژەی بۆ گەڕانەوەی بەشێكی زۆری ئاوارەكان كرد و سەرچاوەی دارایی ئاوارەكانی ڕوونكردەوە و گووتی" لە سنووری سۆران 5 كەمپ هەبوون تایبەت بە مانەوەی ئاوارەكان، ئەوانیش كەمپەكانی حامییەی رواندز 60 خێزان، ئاكۆیان 20 خێزان، بانەزێوك 51 خێزان، كەنیسەی دیانای تایبەت بە مەسیحییەكان 50 خێزان، دێڵزیان 70 خێزان، تا ئیستا ماونەتەوە.
زۆربەی ئاوارەكانی نیشتەجێ بووی كەمپەكانی سۆران، خەڵكی پاریزگای ئەنبار بوون، دوای ئازاد كردنی شوێنەكانیان بە ویستی خۆیان گەڕانەوە شوێنەكانیان و ئەوانەشی كە ماونەتەوە وەك هەر هاووڵاتییەكی دیكەی سنوورەكە ژیان دەكەن و سوودمەندن لە سەرجەم خزمەتگوزارییەكان.
وێڕای ئەوەی زۆربەی هەرە زۆری ئاوارەكان مووچە خۆری حكومەتی ناوەندی بوون، هاوكات بەشێكیان لەرێگەی ئەو پیشانەی دەیانزانی و شارەزاییان لێی هەبوو، بژێوی ژیانی خۆیان بەدەست دەخست".
عەباس شێروانی بەرێوەبەری كۆچ و كۆچبەرانی سۆران لەبارەری مەترسی ئاوارەكان بەسەر ئاسایشی كۆمەڵایەتی و ئەمنییەوە گووتی " ئاوارەكان بەهیچ شێوەیەك نەبوونەتە هۆی مەترسی لە سەر ئاسایشی كۆمەڵایەتی، لەبەر ئەوەی خەڵكی ناوچەكە دۆخی ناهەمواری ژیانی ئاوارەیی بینیوەو دەزانن چەندە سەختە، بۆیە باوەشی خۆیان بەرووی ئاوارەكاندا كردەوە، هەموو جۆرە هاوكارییەكیان پیشكەش كردن، خوودی ئاوارەكانیش بەو پەڕی بەرپرسیارییەتییەوە مامەڵەیان لەگەڵا دامودەزگا ئەمنییەكاندا كرد و پابەند بوون بە هەموو رێنماییەكانیان".

زۆرترین بینراو