رۆدریگۆ دەمەوێت لە ریاڵ مەدرید واز لە یاریكردن بهێنم

رۆدریگۆ دەمەوێت لە ریاڵ مەدرید واز لە یاریكردن بهێنم

زاری كرمانجی-ئاژانسە هەواڵە وەرزشیەكان: رۆدریگۆ گوس یاریزانی بەڕازیلی و یانەی ریال مەدرید، لە كۆنگرەیەكی رۆژنامەوانیدا لە یاری هەڵبژاردەكەی بەرامبەر ئەرجەنتین كە ئەنجامەكەی بە گۆڵێكی بێ وەڵام لە سوودی تانگۆ كۆتاییهات, باسی یارییكردنی لەگەڵ كریستیانۆ رۆناڵدۆ كردو گووتی" ئێستا بۆمن ئەوە شتێكی زۆر قورسە، چونكە رۆناڵدۆ ریال مەدریدی جێهێشتووە, لە ئێستاوە نامەوێ ناوم وابهێنرێت كە جێگرەوەی كریستیانۆ رۆناڵدۆی پورتوگالیم لە یانەی ریال مەدرید، چونكە جارێ سەرەتای یاریكردنمەو تەمەنم زۆر كەمە بۆ ئەوەی بەراورد بكرێم بەو ئەستێرەیەو نامەوێ بكەومە ژێر ئەو فشارە قوڕسەوە، چونكە دەمەوێ تا كۆتایی ژیانی وەرزشیم یاری بۆ یانەی شاهانە بكەم". ئەو یاریزانە لاوە بەڕازیلییە گووتیشی" بەردەوام ئاواتم ئەوەبوو لە تەنیشت رۆناڵدۆوە یاری بكەم، ئەو یاریزانێكی نمونەییەو ئەستەمە لە چەند ساڵی داهاتوودا یاریزانێكی وەك رۆناڵدۆ دروست ببێتەوە". رۆدریگۆ یەكێكە لە یاریزانە لاوەكانی یانەی ریال مەدرید، كە لە یارییەكەی گەڵەتەسەرای لە خولی یانە پاڵەوانەكانی ئەوروپا سەركەوتوو بوو لە تۆماركردنی سێ گۆڵ بۆ یانەكەی، بەو هۆیەوە بووە باشترین یاریزانی گەڕی چوارەمی چامپیۆنزلیگ.

زۆرترین بینراو