رۆناڵدینهۆ:  مێسی كەسێكی باش و جیاوازە

رۆناڵدینهۆ: مێسی كەسێكی باش و جیاوازە

زاری كرمانجی- ئاژانسە هەواڵییە وەرزشییەكان: رۆناڵدینهۆی ئەستێرەی پێشووی بەرشەلۆنەی ئیسپانی، لە نوێترین دەركەوتنی باسی پەیوەندی خۆی لیۆنێل مێسی دەكات و چەندین زانیاری ئاشكرا كرد.
رۆناڵدینهۆ لە دەستپێكی قسەكانی گووتی" لە بەرشەلۆنە هەموو شتێك باش بوو هەر لە یەكەم رۆژ تەنانەت لە یەكەم یارییش، بیرەوەری زۆر خۆشم لەگەڵ بەرشە هەیە، كاتێ دەچوومە یاریگە لەگەڵ یاریزانەكانی تر هەموویان چاوەڕێی ئێمەیان دەكرد، راستە تەواوی یاریزانەكانی گۆڕاون، بەڵام بەرشەلۆنە مێژوویەكی گەورەی هەیەو ئەوە ناگۆرێت, هەموویان لەسەر هەمان رێڕەون و بە كاتی زۆر گرنگ تێدەپەڕن، شێوازی یاریكردنی بەرشە بەردەوام هاوكاری بەدەستهێنانی ئامانجەكانی یانەكە بووە".
رۆناڵدینهۆ لە باسی پەیوەندی خۆی مێسی گووتی" لەگەڵ مێسی هاوڕێی نزیكی یەكترین لەو كاتەی یارییمان بەیەكەوە دەكرد زۆر لەگەڵ یەك ئاسوودە بووین و لێك تێگەیشتنی باش لە نێوانمان هەبوو، بەراستی ئەو كەسێكی باش و جیاوازە، رووداوەكانمان لەگەڵ فڕانك ریكاردی راهێنەر لە كاتی راهێنانەكان جیاوازبوون، راهێنان لەسەر گۆڵكردن بەڵێ هەموو شتێك باش بوو تێڕوانینی سەرەتای وایكرد بە باشی تێبگەین".
رۆناڵدینهۆ هەر لە دەربارەی پەیوەندی خۆی مێسی نەیشاردەوەو گووتی" سەرەتا مێسی زمانی ئیسپانی دەزانی و منیش پۆرتوگالی، بەڵام لەگەڵ یەكبوون و تۆپی پێ وایكرد زۆر بەباشی لە یەك تێبگەین، مێسی كەسێكی لەسەر خۆیەو دوورە لە كێشە، مانەوەی خێزانەكەی لەگەڵی و چاودێری كردنی و یارمەتیدانی وایكرد كە زیاتر خۆشەویستی لە نێوانمان هەبێت".
لە كۆتایی قسەكانی ئەفسانە بەڕازیلیەكە گووتی" فڕانك ریكارد باشترین راهێنەرە كە كارم لەگەڵ كردووە، ئەو بە شێوازێكی ئاسان و رێگەیەكەی گونجاو پەیامەكەی دەگەیاند، كار كردن لەگەڵ ئەو بۆ من زۆر ئاسانبوو".

بابەتى پەیوەندیدار وەرزشى

زۆرترین بینراو