ریال داواكەی ئیبڕای رەتكردەوە

ریال داواكەی ئیبڕای رەتكردەوە

زاری كرمانجی- ئاژانسییە هەواڵییە وەرزشییەكان: زڵاتان ئیبراهیمۆڤیچی سویدی و یاریزانی یانەی ئەی سی میلان دەیەوێ پەیوەندی بەیانەی ریاڵ مەدریدەوە بكات، ئیدارەی یانە ئیسپانیەكەش وەڵامی داواكەیان دایەوە .
رۆژنامەی دۆن باڵۆنی ئیسپانی بڵاویكردۆتەوە دوای ئەوەی زڵاتان لە یانەی میلان هەستی بە نیگەرانی كردوە لە پرۆژەكانی ئەو یانەیەو دەیەوێ روو لە یانەیەكی دیكە بكات، ئەوی یاریزانە دەیەوێ وەك تۆڵەكردنەوەیەك لە یانەی بەرشەلۆنە كۆتایی ژیانی وەرزشی بەدرێسی یانەی ریاڵ مەدریدی ئیسپانیەوە بێت.
دۆن باڵۆن بڵاویشیكردۆتەوە مینۆ رایۆلای بەڕێوەبەری كارەكانی زڵاتانی تەمەن 39 ساڵ تواناكانی یاریزانەكەی خستوەتە بەردەم ئیدارەی یانەی ریاڵ مەدرید، بەڵام بەنەخێر وەڵامی وەرگرتەوە.
زڵاتان پێشتر لە خولی ئیسپانیاداو بەدرێسی یانەی بەرشەلۆنەوە یاریكردوە، جگە لەوە درێسی یانەكانی یۆڤانتۆس و میلان و ئینتەرو پاریس سان جێرمان لۆس ئەنجلوس گالاكسی ئەمریكیشی پۆشیووە.

 

زۆرترین بینراو