رێبوار بابكه‌یی بۆ یوسف محه‌مه‌د کەی لە بەغدا نووقەت کردووە، تا لە کوردستان دەنگ هەڵبڕی؟

رێبوار بابكه‌یی بۆ یوسف محه‌مه‌د کەی لە بەغدا نووقەت کردووە، تا لە کوردستان دەنگ هەڵبڕی؟

زاری كرمانجی : ئه‌ندامێكی په‌رله‌مانی كوردستان له‌ فراكسیۆنی پارتی دیموكراتی كوردستان له‌په‌ره‌ی خۆی له‌ تۆری كۆمه‌ڵایه‌تی فێسبووك په‌یامێك ئاراسته‌ی یوسف محه‌مه‌د په‌رله‌مانتاری بزوتنه‌وه‌ی گۆران ده‌كات له‌ ئه‌نجومه‌نی نوێنه‌رانی عیراق.
رێبوار بابكه‌یی، ئه‌ندامی په‌رله‌مانی كوردستان له‌ فراكسیۆنی پارتی له‌ په‌ره‌ی خۆی له‌ تۆری كۆمه‌ڵایه‌تی فێسبووك نوسیوه‌و تێدا هاتووه‌ : کاتێک هێرشی دوژمنکارانە لە لایەن کۆمەڵێک ناحەزی سەر بە هەندێ تاقمی حەشدی شەعبی دەکرێتە سەر هەولێر، یوسف محەمەد، سەرۆکی فراکسیۆنی گۆڕان لە پەرلەمانی عێڕاق دەنگ هەڵنابڕێت، تەنانەت بە سەرە نوکێک و وشەیەکیش بێت پڕۆتستۆی ناکات، دڵنیام دەنگیشی لێوە ناهێت!. هەموشمان دەزانین بۆ؟. تۆ لە هەولێر نەتوانی ببی بە نوێنەری خەڵک، چ جای ئەوەی لە بەغدا بەر گریان لێبکەی؟!.
ئه‌وه‌شی ئاشكراكراوه‌ : لەبەر چاوی یوسف محەمەد، ڕۆژانە لە بەغداو بەسرەو ناسریەو شوێنی تر چاڵاکڤانی سیاسی و تۆڕە کۆمەلایەتییەکان شەهید دەکرێن، نەم بیست، نەم بینی بڵێ لم!.
ئاماژه‌ی بەوەشكردووە: باشە ئەوەشیان قەینا لە بەر ئەوەی خۆی عێڕاقچیەو باوەڕی بە یەکێتی خاکی عێڕاق و وەحدەی ریزەکانی گەلی عێڕاقە، پێی وا بووە ئەو خەڵکەی کە تیرۆر دەکرێن مەترسیداربوون بۆ سەر ئاسایشی عێڕاقی عەزیم!.
ئوه‌شی خستوته‌ روو : باشە یوسف، لە پێش چاوی تۆ کارمەندێکی ئاسایشی یەکێتی ڕێگەی نەدا سووپەر پەرلەمانتارەکەتان (عەلی حەمە سالح) و چەند پەرلەمانتارێکتان تەنانەت داخلی سلێمانی ببن.
ئه‌وه‌شی رونكردوته‌وه‌ : مەگەر نەت بیست؟ نەت بینی؟ یاخود خۆت لێ کەڕکرد؟. بەڵێ خۆت لێ کەڕو لاڵ کرد، نوقەت نەکرد دەزانم لەبەر ئەوەی ناوێری لە سنووری زوونی هەمە چەشن و سەوز بڵێی ئێحم!.
له‌ كۆتایی دا ئاماژه‌ی به‌وه‌شكردووه‌ : باشە ئەمەشیان قەیناکە، ئەی کاتێک هەردوو بێژەری بە توانا و لاو (لانە و ئامانج بابان و کۆرپەلەکەیان) بەهەڵبەستن و داڕشتنی چەند سیناریۆیەکەوە تیرۆر دەکرێن، نەک هەر دەنگتان لێوە نەهات بەڵکو چاویشتان نووقاند نە بادە دیپۆرتی بەغداو هەولێرتان کەن! هەروەک چۆن بە چاو سوورکردنەوەیەکی کارمەندێکی ئاسایشی یەکێتی عەلی حەمە سالح- تان دیپۆرتی هەولێر دەکرێتەوە.

زۆرترین بینراو