رێكخراوێكی خێرخواز خولی بێبەرامبەر بۆ سەدان قوتابی دەكاتەوە

رێكخراوێكی خێرخواز خولی بێبەرامبەر بۆ سەدان قوتابی دەكاتەوە

زاری كرمانجی-سۆران: رێكخراوی دەوڵەت بۆ خزمەتی كۆمەڵگە، هەستاوە بەكردنەوەی خولی پەروەردەیی و تەندروستی و چەند كارو چالاكێكی دیكەی بێبەرامبەر بۆ كەسانی كەم دەرامەت و پێشمەرگە.
د.محەمەد عەزیز سورچی، بەرپرسی رێكخراوی دەوڵەت، بە زاری كرمانجی راگەیاند "وەك رێكخراوی دەوڵەت بۆ سێیەم ساڵ، ئەمساڵیش لە 1-8-2019 بە راوێژ لەگەڵ بەرپرسانی بەشی پەوەردە و تەندوروستی و بەرپرسی ناوەندەكانی رێكخراوەكەمان، لە شارو شارۆچكەكانی سنووری پارێزگای هەولێر، لەسەر داوای ئەندامانمان و خەڵكی ئەم ناوچانە، هەستاین بەكردنەوەی 24 خول و 35 سمیناری جۆراو جۆر بەشێوەیەكی خۆبەخشتە بۆ قوتابیان و ئارزوومەندانی كەمدەرامەت و كەس و كاری پێشمەرگە، لەوانە 12 خول تایبەتن بۆ بەهێزكردنی ئاستی قوتابیانی 12ی ئامادەیی كە بەشێوەیەكی گشتی زیاتر لە 500 قوتابی لەم خولانە بەشدارن و بەسەرپەرشتی مامۆستایانی پسپۆرو شارەزا وانەكان دەوترێنەوە".
ئاماژەشی بەوەكرد " جگەلەم خولانە بەم نزیكانە 10 خولی تەندروستی دەكەینەوە، كە خۆیان لە كەمی ماددەی ئاسن و ڤیتامینات و CPR و choking و فریاگوزاریە سەرەتاییەكان دەبینەوە، هەروەها سمینارەكانیشمان دەربارەی چۆنیەتی خۆشبەختی خێزانەكان و خۆپاراستن لە هەندێ نەخۆشی ترسناك و بەرزكردنەوەی هەستی خۆشەویستی وڵاتی خۆمانن و لەداهاتوودا دەستی پێدەكەین".
ئەوەشی ئاشكرا كرد كە " بەرنامەیەدیكەشیان لەبەردەستە وەك كارئاسانیكردن بۆ هەندێ نەشتەرگەری و پشكنینی پزیشكی و وەرنەگرتنی پارەی پسولەی نۆرینگەی پزیشكی، بۆ خەڵكی كەمدەرامەت و پێشمەرگە بێبەرامبەر یان داشكاندن بۆیان.

زۆرترین بینراو