رێنووسی كوردی ئێران داگیر دەكات

رێنووسی كوردی ئێران داگیر دەكات


" دەنگە خۆشەكەی لە كوچە و كۆڵانەكان بڵاوبۆتەوە"

"مرۆڤ تامی عەشقی نەكردبێت ناتوانێت بە چێژەوە شیعر بخوێنێتەوە"


گەنجێكی كورد، بە دەنگە خۆشەكەی بۆتە جێگەی تێرامان و سەرنجی بەشێكی هەرە زۆری ئیرانییەكان، دەنگە خۆشەكەی ئەو لە كوچە و كۆڵانەكانی ئێران بڵاوبۆتەوە، دەنگێك پڕ لە خۆشەویستی و میهرەبانی بە دەنگە خۆشەكەی توانیویەتی زۆربەی خەڵك بۆ لای خۆی راكێشێت.
ئەو گەنجە دەنگ خۆشە كوردە، (رێنوس كەمالی)یە كە كوردی رۆژهەڵاتی كوردستانە و ئێستا لە تارانی پایتەخت دەژێت.

د:شەهلا رەشید


رێنوس مەحموود فەتاح، دانیشتووی شاری تارانە، خێزاندارە و بە خۆشەویستی هاوسەگیری كردووە و خاوەنی دوو منداڵە بە ناوەكانی كارێن و واران، بنەماڵەكەی لە شاری بۆكان دەژین و خۆی لە تاران.
رێنوس لە دیمانەیەكی تایبەت بە زاری كرمانجی باس لەو بەربەستانە دەكات كە لە سەرەتای دەست پێكردنی كارەكەی هاتوونەتە رێگەیەوە، ئەو گووتی " زیاتر لە 16 ساڵە شیعر دەخوێنمەوە ساڵی 2004 دەستم كردووە بە راپ گووتن و یەكەم راپەڕی رۆژهەڵاتم".
وەك خۆی روونیكردەوە لە دەست پێكردنی كارەكەیدا رووبەڕووی زۆر رەخەنە بووە لە كۆمەڵگەی كوردیدا، هەروەها غەدرێكی زۆریشی لێكرا و تەنانەت لە ناو خێزانەكەشیدا گاڵتەیان پێكردووە، لە چەند بەرنامەیەكی كەناڵ و رادیۆی كوردیدا بەشداری كردووە. ئاماژەی بەوەدا كە " شیعرەكان بە كۆمەڵا و گروپ هەڵدەبژێردرێن لەم گروپەدا تەنیا من كوردم، بۆیە زۆربەی كارەكان لەسەر بڕیاری ئەوان بەڕێوە دەچێت، بەڵام بەم زووانە پودكەتسی كوردی پێشكەشتان دەكەین كە لە كوردیدا زۆر كمە و بۆ یەكەم جار باس لە كلتوور، كتێب، شیعر و هونەر دەكات، هەموو كەس دەتوانێت گوێ لێ بگرێت، چونكە بەشی فارسیمان دامەزراندووە و كوردیش دادەمەزرێنین، هەندێك نووسینەكان تایبەت بە منن شیعرەكانم پەیوەندی بە خۆشەویستییەوە هەیە، مرۆڤ گەر عاشق نەبێت و تامی عەشقی نەكردبێت باوەڕم وایە ناتوانێت جوان و بە لەزەتەوە شیعر بخوێنێتەوە، بەبێ ئەو ناتوانین دڵی جەماوەر رازی بكەین، قسەیەكی فارسی هەیە دەڵێت (لە دڵا دێت و لەسەر دڵا دەنیشێ)".
زیاتر گووتی " چوار مانگە كار دەكەین تا لە رووی میدیاییەوە گرنگی زیاتر بە كارەكانمان بدرێت، ئەمەش بۆ من ئەمە زۆر باش بووە، چونكە كاتم كم بوو، سەرقاڵی چەند كارم لەگەڵا هەندێك كۆمپانیا كە گرێبەستم لەگەڵا كردووە، هەرچەند ناتوانم بڵێم لەو ماوەیەدا كارەكان بە تەواوی بەڕێوەچوونە بەهۆی ڤایرۆسی كۆرۆنا".
لە بارەی زال بوونی كلتووری فارسی ئەم هونەرمەندە دەڵێت" كلتووری فارسی زاڵا نییە، بەڵام بەداخەوە بەهۆی ژێر دەستی و نەبوونی میدیای دروستی كوردی و پارێزەر لە كوردی خۆمان كێشەی زمان زیاتر خۆی نیشان دەدات، لە پارچەكانی تری كوردستانیش ئەم كێشەیە هەیە كە زۆربەیان ناتوانن بە كوردی بنووسن و بدوێن لە عەرەب، تورك، فارس و شام ئەم وڵاتانە زۆر شتییان لە كلتووری كوردیان هەڵگرتووە، بۆیە نووسین و پاككاری كوردی زۆر گرنگە بەداخەوە زۆربەی گەنجانیش بۆی ناچن و بە دروستی نانووسن، ئەمەش بووتە هۆی ئەوەی میدیای كوردی شێوەی جوانی خۆی لەدەست بدات، من زیاتر لەسەر رێنوس و چۆنییەتی نووسینی كوردی باس دەكەم، جگە لە خوێندنەوەی شیعر كاری مێلۆدی و نووسینی هۆنراوە دەكەم و زۆریان بڵاوبوونەتەوە، بەم زووانەش لەلایەن هەردوو هونەرمەند راكورد و فوئاد پێشەوا پێشكەشتان دەكرێت".
لە بارەی سەردانی كردنی بۆ باشووری كوردستانیش رێنوس ئاشكرای كرد " سەردانی باشوورم كردووە هیوام سەربەرزیانە و هانی یەكتر بدەین بۆ خوێندنی كتێبی باش و زیاتر، مرۆڤایەتی دەتوانێت سەركەوتوومان بكات گەر بەرژەوەندی گەل لە سەرووی هەموو شتێك بێت، هاوسەرگیریم بە خۆشەویستی بووە و زۆریش ئازارمان بینیوە، تا بەیەك گەیشتین 12 ساڵە پێكەوە دەژین، ئێستاش وەك دوو هاوڕێ بەردەوام پێكەوەین، لێرەوەش دەست خۆشی لە خانمەكەم دەكەم كە لە هەموو خۆشی و ناخۆشییەكان ژیانم هاوڕێم بووە و پشتیوانی لێكردووم.

 

زۆرترین بینراو