رێژەی هاتنی گەشتیاران بۆ شوێنە گەشتیارییەكانی دەڤەری سۆران 100% زیادی كردووە

رێژەی هاتنی گەشتیاران بۆ شوێنە گەشتیارییەكانی دەڤەری سۆران 100% زیادی كردووە

بارزان محەمەد، بەڕێوەبەری بەڕێوەبەرایەتی گەشتوگوزاری سۆران لە دیدارێكدا لەگەڵ هەفتەنامەی زاری كرمانجی كە رۆژی دوو شەممە بڵاو دەبێتەوە رایگەیاند، رێژەی هاتنی گەشتیاران بۆ شوێنە گەشتیارییەكانی دەڤەری سۆران 100% زیادی كردووە لەگەڵ جەژنی رابردوو لە جەژنی رابردوو ئەگەر 50 هەزار گەشتیار هاتبێتە دەڤەری سۆران، لەو جەژنەدا 100 هەزار گەشتیار هاتووە، یەك شوێنی بەتاڵ نەما بوو لە شوێنە گەشتیارییەكان، زۆربەی گەشتیارانیش گەشتیاری خواروو و ناوەڕاستی عێراق بوون، ئەوانی دیكەش لە هەر دوو وڵاتی ئێران و توركیاوە هاتبوون، ئێستاش هاتنی گەشتیاران بەردەوامە.
گوتیشی:" هاتنی ئەو رێژە زۆرەی گەشتیارە بۆ ئەوە دەگەڕێتەوە كە حكوومەتی هەرێم چەند رێنماییەكی دەركرد بۆ دامودەزگاكانی پەیوەندیدار كە تەواو ئاسانكاری بكەن بۆ گەشتیاران، بە تەواوەتی لە بازگەكان، تاكو گەشتیاران بە ئاسانی اخیلی ناو هەرێمی كوردستان بن".

زۆرترین بینراو