رەنگە 2020 ساڵی ریهانا و خۆشەویستەكەی بێت

رەنگە 2020 ساڵی ریهانا و خۆشەویستەكەی بێت

ئا: هۆژین شەوكەت دری

دوای دووساڵ لە پەیوەندی خۆشەویستی نهێنی، ریهانا ئامادەكاری دەكات بۆ پێكهێنانی ژیانی هاوسەرگیری لەگەڵ خۆشەویستە ملیاردێرە سعودیەكەی.
سەرچاوەیەكی نزیك لە ریهانا ئاشكرایكرد" پەیوەندی حەسەن جەمیل و ریهانا زۆر باشە و پەیوەندیەكی بەهێز لە نێوانیاندا هەیە، لەگەڵ ئەوەشدا هەموو هەوڵێك دەدەن سەرنجی سەرەكیان لەسەر ژیانی تایبەتی خۆیان بێت، سەڕەڕای ئەوەش ریهانا هەمیشە ویستوویەتی ژیانی تایبەتی خۆی لە چاوی كامێرا و تۆڕە كۆمەڵایەتییەكان بەدوور بگرێت، بۆیە هیچ رونكردنەوەیەكی لەسەر داهاتووی خۆی و حەسەن جەمیل بڵاو نەكردۆتەوە، بڕیار وایە ساڵی ٢٠٢٠ ببێتە ساڵی بەیەك گەیشتنی ریهانا و حەسەن، ریهانا دەیەوێت منداڵی هەبێت و ببێت بە دایك، بەڵام حەسەن دەیەوێت سەرەتا ژیانی هاوسەرگیری پێكبهێنن پاشان بیر لە هێنانی منداڵ بكەنەوە".
ریهانا تەمەن ٢٩ ساڵ هونەرمەندێكی دیاری بواری موزیكی پۆپ و هیپۆپە، چەندین بەرهەم و كاری ناوازەی هەیە، لە ساڵی ٢٠٠٣ دەستی كرد بە كاری موزیك، ساڵی ٢٠٠٥ یەكەم ئەلبوومی دەركرد سەركەوتنێكی گەورەی بە ماوەیەكی كەم بەدەستهێنا، كلیپە موزیكیەكانی ریهانا سەدان ملیۆن جار دەبینرێن و چەندین خەڵاتی ناوداری پێبەخشراوە یەكێكە لە هونەرمەندە ناوبانگەكانی جیهان هەوادارێكی زۆری هەیە.

بابەتى پەیوەندیدار جۆراوجۆر

زۆرترین بینراو