زاری كرمانجی كۆتایی بە 24 هەمین خولی رۆژنامەوانی هێنا

زاری كرمانجی كۆتایی بە 24 هەمین خولی رۆژنامەوانی هێنا

زاری كرمانجی-سۆران: له‌بەردەوامی كارو چالاكیە رۆژنامەوانی و رۆشنبیریەكانیدا، دەزگای زاری كرمانجی خولێكی رۆژنامەوانی بۆ ئارەزوومەندانی كچ و كوڕانی دەڤەری سۆران بەڕێوەبرد.
محەمەد هەسنانی، رێكخەری خولەكە، رایگەیاند "دەزگای زاری كرمانجی بۆ راگەیاندن و رۆشنبیری لە بەردەوامی كارو چالاكییەكانیدا، هەستا بە كردنەوەی خولێكی رۆژنامەوانی بۆ كچ و كوڕانی سنوورەكە كە نزیكەی (40) ئارەزوومەند بەشداریان كرد، بابەتەكانی خولەكە بریتی بوون، لە چۆنیەتی نووسینی (هەواڵ، راپۆرت، دیمانە) لەلایەن مامۆستا ئیسماعیل ئیبڕاهیم، بەڕێوەبەری دەزگای زاری كرمانجی رۆژانە دەوترانەوەو ماوەی سێ‌ رۆژ بەردەوام بوو، وابڕیاریشە لە ئایندەیەكی نزیكدا بڕوانامە بەسەر بەشداربووانی خولەكە دابەش بكرێت".
گووتیشی "ئەم خولە بریتی بوو لە (24) هەمین خولی رۆژنامەوانی دەزگای زاری كرمانجی كە زیاتر لە (500) كەس لە هەردوو رەگەزی پیاو ئافرەت بەشداریان تێدا كردووەو خولەكان لەسنووری شارو شارۆچكەكانی (سۆران، رواندز، چۆمان، مێرگەسۆر، شەقڵاوە) بەشێوەیەی خۆبەخشانە ئەنجامدراون، سەرجەم وانەكانی ئەم خولانە، لەلایەن رۆژنامەوان و راهێنەر ئیسماعیل ئیبراهیم، بەشێوەی خۆبەخشانە وتراونەتەوە.

زۆرترین بینراو