زیاتر لە 24 كیلۆ گرام ماددەی هۆشبەر گیرا

زیاتر لە 24 كیلۆ گرام ماددەی هۆشبەر گیرا


تەنها لەماوەی دە رۆژی رابردواد لەلایەن بنكەی نەهێشتنی ماددەهۆشبەرەكانی دەروازەی نێودەوڵەتی حاجی ئۆمەران، لە دوو كاتی جیاوازدا دەستبەسەر برێكی زۆر ماددەی هۆشبەر داگیرا، كە بڕیكیان ماددەیەكی زۆر مەترسیدارە و بۆ یەكەمجارە دەستی بەسەر گیراوە.
بەشی راگەیاندن و پەیوەندییەكانی كۆمەڵگای دەروازەی نێودەوڵەتی حاجی ئۆمەران، رایگەیاندووە " لە هەفتەی رابردوو لەلایەن بنكەی نەهێشتنی ماددەهۆشبەرەكانی دەروازەی نێودەوڵەتی حاجی ئۆمەران، تواندرا دەست بگیرێت، بەسەر بڕی (9) كیلۆ و (100) گرام ماددەی هۆشبەر لەجۆری كریستاڵ و بڕی (610) گرام لە جۆری تلیاك".
هەروەها رۆژی هەینی 4-9-2019 لەلایەن كارمەندانی بەڕێوەبەرایەتی ئاسایشی كۆمەڵگای دەروازەی نێودەوڵەتی حاجی ئۆمەران، تواندرا دەست بەسەر زیاتر لە ( 15) پازدە كیلۆ گرام مادەی هۆشبەر لە جۆری (كیتامین) بگیرێت كە جۆرێكی مەترسیدارە و یەكەمجارە لەو جۆرە مادەیە هەوڵی هێنانی ناوەوەی هەرێم بدرێت".
ئەوەش خراوەتەروو " ئەم ماددە هۆشبەرە لە ناو جانتایەكی جل و بەرگدا دەستی بەسەرداگیرا و شەش هاووڵاتی ئێرانی كە یەكێكیان ئافرەت بووە، دەیانویست بە شێوەیەكی نهێنی و نایاسایی بیهێنە ناو هەرێمی كوردستان".
بە پێی زانیارییەكانی زاری كرمانجی هێنانی ماددەی هۆشبەر بە هەموو جۆرەكانییەوە بۆ ناو كوردستان لە رێگەی ئێرانەوە بە بەراورد كردن بە سالانی رابردوو زیادی كردووە، هەروەها ژمارەی ئەو كەسانەشی كە بەهۆی بەكار هێنان یا بڵاوكردن و بازرگانی پێكردنی ماددەهۆشبەرەكانەوە دەستگیر كراوون زیادی كردووە.

زۆرترین بینراو