زینە جەمیل: لە پێناو دهۆك گرێبەستی چۆمانم رەتكردەوە

زینە جەمیل: لە پێناو دهۆك گرێبەستی چۆمانم رەتكردەوە

رەمەزان هەڕنی – دهۆك: یاریزانی یانەی وەرزشی ئافرەتانی دهۆك زینە جەمیل ئەحمەد كە ساڵی 1990 لە دایكبووە دانیشتوی شاری دهۆكە پێشتر لە چەند یانەیەكی كوردستان یاری كردووە, دوای سەر لەنوێ كردنەوەی یانەی وەرزشی ئافرەتانی دهۆك لە ریزی ئەو یانەیە بەردەوامی بە ژیانی وەرزشی دەدات و لە دیمانەیەكی زاری كرمانجی دا باس لە دەسكەوت و ژیانی وەرزشی خۆی دەكات .
سەرتا زینە گووتی" لە تەمەنی هەرزەكارییەوە لە نزیك ماڵەوە لەگەڵ براكانم بەردەوام یاری توپێ پێم دەكرد, بەڵام بەفەرمی ساڵی 2006-2007 دەستمكرد بەیاری كردن وەك یاریزانێكی تۆپی پێ لە كوردستان, یەكەم یاریم بۆ پەیمانگەی پەروەردەی وەرزشی دهۆك و یانەی ئافرەتانی دهۆك بوو".
زینە گوتیشی" لە ژمارەیەك یانەی كوردستان یارییم كردووە بۆ یانەكانی ئافرەتان وەك (زێرەڤانی, دهۆك, هەولێر, گازی باكوور كەركووك, گاڕە دهۆك, سەنحاریب دهۆك و سێمێل) ئێستاش لە یانەی وەرزشی ئافرەتانی دهۆك درێژە بەیاری كردن دەدەم و یاریزانی یانەی هەڵبژاردەی عێراقم, لە 2010 ەوە تا ئێستا بەشداریم كردووە لە چەندین خولی ناوخۆو دەرەوە, ساڵی 2016 وەك باشترین بەرگریكار لە عیراق هەڵبژێردرام, لە 2017 بە باشترین یاریزانی نمونەیی لە خولی عێراق دەستنیشان كرام".
زینە ئەوەشی خستەڕوو" ئەو كاتەی لە یانەی سێمێل یاریم دەكرد دەسكەوتی گەوەرمان بەدەستهێنا كە لە 2016 بووینە پاڵەوانی خولی عێراق, وەرزی 2011-2012 لە گەل یانەی زێرەڤانی خولی هەرێمی كوردستانمان بەدەستهێنا, چەندین دەسكەوتی تری وەرزشیمان هەبووە لەگەڵ یانەی گاڕەو سەنحاریب و هەولێر, دەسكەوتێكی تری گرنگ لەگەڵ ئافرەتانی هەولێر خولی عێراقمان بەدەستهێنا بە پلەی یەكەم".
سەبارەت بە گۆڕانكارییەكانی وەرزشی ئافرەتان لە كوردستان گووتی" كۆمەڵگەی كوردەواری زۆر گۆڕانكاری تێدا درووست بووەو بە چاوێكی جوان سەیری ئافرەتی وەرزشوان و یاریزانان دەكەن, بەهۆی ئەوەی پێش ئێستا ئەگەر كچێك یاریزان بووایە بە شتێكی نامۆ سەیریان دەكرد و پێیان شەرم بوو, ئێستا پێچەوانەی جارانە كاتێك دەبینن كچێك یاریزانە زیاتر دڵخۆش دەبن, هیوادرم كچان بەربەستەكان بشكێنن بەرەو ئامانجەكانیان هەنگاوبنێن, حەزی ئێمەش ئەوەیە لە یانەی وەرزشی ئافرەتانی دهۆك نەوەیەكی نوێ پێ بگەنین بەسەرپەرشتی یاریزانە خاوەن ئەزموونەكان, چاوەڕێ دەكەین لە داهاتوودا دەسكەوتمان زۆر باشتر بن بۆ یانەكە".
لە كۆتایی قسەكانیدا زینە گووتی" گرێبەستێكم لە یانەی وەرزشی ئافرەتانی چۆمان بۆهات, بەڵام لە پێناو یانەی وەرزشی ئافرەتانی دهۆك گرێبەستەم رەتكردەوە چونكە پێشتر لەگەڵ یانەی ئافرەتانی دهۆك گرێبەستەكەم واژوو كردبوو".

 

زۆرترین بینراو