سبەی باران و بەفر دەبارێت

سبەی باران و بەفر دەبارێت

 
زاری كرمانجی: بەڕێوەبەرایەتی گشتی كەشناسی و بوومەلەرزەزانی هەرێمی كوردستان، ئاماژەی بەوەدا لە سبەینێەوە باران بارین لە زۆربەی دەڤەرەكانی كوردستان دەبێت و لە شاخەكانیش بەفر دەبارێت.
ئەمڕۆ 25/11/2020، بەڕێوەبەرایەتی گشتی كەشناسی و بوومەلەرزەزانیی هەرێمی كوردستان، لە پەیجی فەرمیی خۆی، لە تۆڕی كۆمەڵایەتی (فەیسبووك) بڵاو كردەوە"سبەی پێنجشەممە لەگەڵ درێژبوونەوەی كاریگەریی یەكگرتنی هەردوو نزمە پاڵەپەستۆی دەریای ناوەڕاست و دەریای سوور ئاسمانی ناوچەكانی هەرێمی كوردستان بۆ نیمچەهەور و هەوری تەواو دەگۆڕێت و بارانبارین لە كاتەكانی بەیانیی زوودا دەست پێدەكات".
زیاتر روونكراوەتەوە "لە زۆربەی ناوچەكان باران بە ڕێژەی جیاجیا دەبارێت، ناوچە شاخاوییەكان ڕێژەی بارانی لە سەرووی 15 ملم دەبێت، ناوچە شاخاوییەكانی سنووری پارێزگای هەولێر بارانی زیاتر دەبێت، لەگەڵ بارانبارینیش بەفر لەسەر لووتكەی شاخە بەرزەكان و سنوورییەكان دەبارێت".
كەشناسیی هەرێمی كوردستان لە ئاگادارییەكەدا باسی لەوەش كردووە" لە شەوی پێنجشەممەوە كاریگەریی ئەم شەپۆلە بارانبارینە بەرەو لاوازی دەچێت، ڕۆژی هەینی ئاسمان هەر بە نیمچەهەوری دەمێنێتەوە".
 

زۆرترین بینراو