سزای یاسایی ئەو كەسانەن داوە كە زێدەڕۆیان كردۆتە سەر تۆڕی ئاو

سزای یاسایی ئەو كەسانەن داوە كە زێدەڕۆیان كردۆتە سەر تۆڕی ئاو

دیمانە محەمەد ئامۆكەیی- هەریر: لە دیدارێكیدا لەگەڵ هەفتەنامەی زاری كرمانجی، بەڕێوەبەری فەرمانگەی ئاوی هەریر و دەوروبەر، تیشك دەخاتە سەر ئەنجامدانی پڕۆژەكان و ئەو كێشەو گرفتانەی هاتوونەتە بەردەمیان، لەم یانەی دیدارەكەی باس لەو زێدەڕۆیانەش دەكات كە كراونەتە سەر تۆِرەكانی ئاوی ماڵان، لە سنووری هەردوو ناحیەی باسرمەو هەریر، بێوار عەدنان كانتین بەڕێوەبەری فەرمانگەی ئاوی هەریر دەڵێت" لەدوای دروستبوونی قەیرانی داریی تا ئێستا كارەكانمان بەردەوام بوونەو لە ماوەی یەك ساڵی رابردوودا توانیمانە چەند پڕۆژەیەك لە دەڤەرەكەمان ئەنجام بدەین، كەسنووری فەرمانگەكەمان خۆی لە هەردوو ناحیەكانی هەریر و باسرمە دەبینێتەوە بەسەرجەم گونداكانیەوە، بەهۆی خراپی و كەمی ئاو و خواستی هاووڵاتیان توانراوە لە چەند شوێنێك كۆمەڵێك پڕۆژە جێ بەجێ بكرێن، ئەوانیش راكێشانی زیاتر لە 2 هەزار مەتر تۆڕی ئاو لە هەریەك لەگەڕەكەكانی باتاسی كۆن و هەنارەیان، هەروەها خاوێن كردنەوەی سەرچاوەی ئاوی زیاتر لە 10 گوندی سنورەكە، لە هەریەك لە گوندەكانی شێخ مەمودیان و شەكرۆك دوو پڕۆژەی تر لە لایەن رێكخراوی شنە بای یابانی جێبەجێكراون، كە دانانی خەزانی ئاو بۆ گوندەكەو هەروەها لێدانی بیرێك بۆ گەڕەكێكی شارەدێی باسرمە، تێچوی ئەو پڕۆژانەش زیاتر لە 100 ملیۆن دینار بووە، لە داهاتووش هەوڵی جدی دەدەین بۆ ئەوەی زۆرترین خزمەتگوزاری پێشكەش بە هاووڵاتیانی هەریرو دەوروبەری بكەین.
بەڕێوەبەری فەرمانگەی ئاوی هەریر ئەوەشی گووت" ساڵانە خەڵكێكی بەرچاو لە گوندەكان روو لە شار دەكەن و ئەوەش دەبێتە كێشە بۆ ئێمە لەبەر ئەوە دەبێت ئاوی بۆ دابین یكەین و زۆر جاریش بەهۆی راكێشانی ئاو بۆ ماڵێك، كەمی ئاوی روو لە چەند ماڵێك دەكات، بۆیە چەند پڕۆژەیەك هەن و دەرخستەیان بۆ كراوە ئومێد هەیە لەگەڵ پێكهێنانی حكومەت ئەوانیش جێ بەجێ بكرێن، بەتەواو بوونی ئەو پڕۆژانە كێشەی كەم ئاوی تا ڕادەێكی زۆر نامێنێت لە سنوری فەرمانگەكەمان"
لەسەر كەمی و گرفتی كارەبای بیرەكانی باسرمە بێوار عەدنان رایدەگێنێت" باسرمە كێشەی كەم ئاوی زۆرە ئەوەش بۆ چەند هۆكارێك دەگەڕێتەوە سەرەكی ترینیان كۆنی تۆڕ و نەبوونی كارەبای نیشتیمانیە، لە ئێستادا مۆلیدەێكمان دابینكردوە و سەرجەم بیرەكانی باسرمەمان بەیەك بەستۆتەوە تاڕادەێك باش بووە، بەڵام بۆ ئەوەی كێشەكە بەتەواوەتی چارەسەر بێت وەك فەرمانگەی ئاو، توانیومانە تۆڕێكی نوێی كارەبا بۆ بیرەكانی باسرمە رابكێشین و لە هەفتەی دابێت بەتەواوەتی كێشەكە نامێنێت،" زۆربەی ئەو ئاوەی بۆ سەنتەری شاری باسرمە دابین دەكرێت و سەرچاوەكەی لە گوندی شەكرۆكە چەندین كیلۆمەتر دوورە لەسەنتەری شار ئەوەش گرفتێكی ترە لەبەر ئەوەی تا ئاوەكە دەگات كاتێكی زۆری دوێت.
لە بارەی نەدانی پارەی ئاوی مانگانەو دانانی پێوەری ئاوی ماڵان، ئەو بەرپرسە ئاماژە بۆ ئەوە دەكات" لە ساڵی 2018 وەرگرتنی پارەی ئاو دراوە بە كۆمپانیایەكی لوبنانی، ئەوان ئێستا كاری خۆیان دەكەن و لە پێش ئەو بەروارە بەشێكی بەرچاوی خەڵك پارەی ئاوی نەداوە، ئێمە پێمان راگەیاندوون هەر كەس بیەوێت قەرزەكەی خۆی بداتەوە دەتوانێت بۆی بكەین بە قیستی مانگانە، ئەوانەشی پارە نەدان ئێمە ناتوانین لێ پێچینەویان لەگەڵ بكەین، لەبەر ئەوەی هیچ رێنمایەكمان بۆ نەهاتووە، هەر كاتێكیش رێنمایمان پێ گەیشت وەك خۆی جێ بەجێ دەكەین، لە هەردوو شارەدێی باسرمەو هەریریش زیاتر لە 700 پێوەری ئاو بۆ ماڵانان دانراوە و لە ئێستاشدا هەڵمەتی دانانی پێوەر بەردەوانی هەیە داواش لە هاوولاتیان دەكەین هاوكارمان بن بۆ ئەوەی بتوانرێت پێوەر لەسەرجەم ماڵەكان ببەسترێت و گرفتی كەم ئاوی نەمێنێت.
بێوار كانتین باس لە دیاردەی زێدەڕۆی دەكات كە لە لایەن خەڵكانێكەو كراووتە سەر تۆڕەكانی ئاو زیاتر گووتی" یەكێكی تر لەو گرفتانەی رووبەڕومان دەبێتەوە ئەویش زێدەڕۆی كردنە سەر تۆڕی ئاوە، بۆ ئەم مەبەستە بەهاوكاری بەڕێوەبەری هەردوو ناحیەكەو بنكەی پۆلیس توانیتمان بەشێكی بەرچاوی ئەو زێدە رۆیانە نەهێلین كە لە لایان كەسانێك بۆڕی ئاو كون كراوە وە باخچەی لەبەر كراوە،" لەناو باسرمەش ئەو دیاردەیە بە روونی هەستی پێ دەكرا، ئەگەر زوو رێگریمان لەو زێدە رۆیان نەكربا لەوانیە كێشەی كەمی ئاوی زیاتر بەرۆكی خەڵكی ناوچەكەی بگرتبا".

 

زۆرترین بینراو