سه‌میرا سالح : ئه‌گه‌ر كوردستان و عیراق رێكنه‌كه‌فتن باشتره‌ كورد پشكداری هه‌ڵبژاردنا نه‌بن

سه‌میرا سالح : ئه‌گه‌ر كوردستان و عیراق رێكنه‌كه‌فتن باشتره‌ كورد پشكداری هه‌ڵبژاردنا نه‌بن

زاری كرمانجی–ئامێدی: كادره‌كا پارتی دیموكراتی كوردستان ل ده‌ڤه‌را ئامێدێی به‌حسێ ئه‌گه‌رێن رێكنه‌كه‌فتنا عیراقێ دكه‌ت دگه‌ل كوردستانێ و ئاماژه‌ ب دروستكرنا به‌ره‌یه‌كێ ئێكگرتی دكه‌ت .
سه‌میرا سالح ، به‌رپرسا رێكخراوه‌كا پارتی ل ده‌ڤه‌را ئامێدیێ بۆ زاری كرمانجی راگه‌هاند: بهانە گرتنا عێراقێ دگەڵ کوردستانێ ژبەر چەند ئەگەرانە ،وه‌ك نەبوونا بەرەیەکێ گشتگیر و بهێز بەرامبەر عێراقێ و هاریکاریا خاکفروشێن نافخو وەکریە عێراق هه‌رده‌م دهزرا ژناڤبرنا قەوارا دەستوریا هەرێماکوردستانێ دابیت.
گوتژی : پشتی خیانەتا۱٦ئۆکتۆبەرێ و ڕێکەفتنا بەڕەیێ خاکفرۆشان دگەڵ عێراقێ وەکریە کۆ هه‌رده‌م پیڵانا دانێن ژبۆ ناڤچونا قەوارەیا دەستوریا هەڕێمێ و هەڵوەشاندنا حکومەتێ ، ڕیفراندۆما سەربه‌خۆیا کوردستانێ ئەمرێ واقع دروستکریە لسەر عێراقێ یان دڤێت مافێن کوردان ل عێراقێ دیف دەستوری بهێنەدان یان ڕیفراندۆم وەک کارتەکا بهێز یا فشارێ دێ ل بەرامبەر هێتە بکارئینان.
ئاشكراكر : ڕێکنەکەفتنا کوردستانێ دگەل عێراقێ دێ بیتە ئاستەنگ ل هەمبەر هەلبژارتنێن عێراقێ ژبه‌ركۆ کورد پێکهاتا دوویێ یا عێراقێ نە.بەغدا هه‌رده‌م ل ڕێکەفتنا دگەل کوردستانێ دترسیت ژبەر چه‌ند ئه‌گه‌را کوردستان خودان سیاسەتەکا بهێز و خودان سەرۆک و مەرجعەکی بهێزە ل بریاردانێ و د بیرتیژیا سیاسەتێ دا و ڕێککەفتنا هه‌ردم عێراق خو ب ڵاواز دبینیت.عێراق ل پێشکەفتن و پێشفەچوونا کوردستانێ دترسیت ژ ڵایێ ئابووری و پێشکەفتنا خزمەتگوزاری و خزمەتین گشتی ،هه‌رده‌م خو ب ڵاواز دزانیت و ناگەهن ئاستێ ئەندازەیا ئاڤەدانکرنا کوردستانێ.
ته‌كه‌زكر : ئەنجامدانا هەڵبژارتنا ب ڕوحا شوڤینێ و تایفەگەری هەتا ڕادەیەکی وەکریە چ هیڤی نەمینن کو هەلبژارتن دێ هێنەکرن.ئەگەر کوردستان و بەغدا ڕێکنەکەفتن،یاباش و درست ئەوە کورد بەشداریێ د هەلبژارتنان دانەکەن و بایکوتێ بکەن دحکومەتا عێراقێدا و بەرەیەکی بهێز پێک بینن و ئێکڕێزیا گشتی ب چاکسازی و دانانا دەستورەکی ڕاگەهینن.

زۆرترین بینراو