سه‌میرا سالح : گه‌له‌ك گرنگه‌ ئافره‌ت ل ده‌رڤه‌ی ماڵ كاربكه‌ت

سه‌میرا سالح : گه‌له‌ك گرنگه‌ ئافره‌ت ل ده‌رڤه‌ی ماڵ كاربكه‌ت

زاری كرمانجی – ئامێدی : ل هه‌رێما كوردستانێ وه‌ك پێتڤی ئافره‌ت ناهێن دیتن یان ژی كارێن بازرگانی بكه‌ن شاره‌زایه‌كا كاروبارێن ئافره‌تان به‌حسێ وان ئاسته‌نگا دكه‌ت كۆ دبنه‌ سه‌ده‌مێن رێگریكرن ل شیانێن ئافره‌تان.
سه‌میرا سالح ، شاره‌زا ل كاروبارێن ئافره‌تان بۆ زاری كرمانجی راگه‌هاند : ئافره‌ت ژی مینا ره‌گه‌زێ به‌رامبه‌ر حه‌سدكه‌ت كار بكه‌ت و خودان كاربیت به‌لێ هه‌رجار جڤاك و داب و نه‌ریت دبنه‌ سه‌ده‌م كۆ ئافره‌ت نه‌شێت ل گور حه‌زو ڤیانا خۆه‌ كاره‌كێ بكه‌ت و له‌وما ئافره‌ت كێمتر دهێته‌ دیتن ل ناڤ بوارێن كاركرنا گشتی، جڤاك و داب و نه‌ریت هه‌رده‌م ئاسته‌نگا ل هه‌مبه‌ر شانێن ئافره‌تان دروست دكه‌ن كۆ نه‌شێن بگه‌هنه‌ هیڤیی و ئارمانجێن خۆ له‌ورا ئه‌ڤه‌ بۆیه‌ ئاریشه‌ كۆ ئافره‌ت كێمتر بگه‌هنه‌ ئارمانجێن خۆ یێن كاری .
گوتژی : ئافره‌ت هه‌رده‌م خودان شیانه‌ چه‌وا ل ناڤ كاروبارێن رۆژانه‌ ل ماڵدا شیایه‌ سه‌ركه‌فتنێ ب ده‌ستڤه‌ بینیت و نڤشه‌كێ نو ئاڤا بكه‌ت وه‌سا شیانێن كاركرنا ئازاد هه‌نه‌ به‌لێ ئافره‌ت وه‌ك زه‌ڵاما نینه‌ ئه‌گه‌ر پشته‌ڤانی نەبیت و رێگری هه‌بیت نه‌شێت چ بكه‌ت ،ڤان دووماهیا باشتره‌ ل ساڵێن به‌رێ به‌لێ وه‌ك پێدڤی ژی نینه‌ ساڵ بۆ ساڵێ گوهرین بسه‌ر رێژا ئافره‌تێن خودان كۆمپانیا دا دهێت به‌لێ ل گور حه‌زا ئافره‌تان نینه‌.
ئاشكراكر : هه‌ڵبه‌ت ئه‌گه‌ر هه‌ر ده‌ڤه‌ره‌كێ هژماره‌كا كارگه‌هێن پیشه‌یی هه‌بایه‌ دا ئافره‌ت شێت پتر رولێ خۆ بینیت ل كاركرنا ناڤ كاگه‌هێن گشتی به‌لێ نه‌بۆنا كارگه‌ها ژی بۆیه‌ ئاریشه‌یه‌ك بۆ ئافره‌تا حه‌زا كارێ ئازاد هه‌ی، گه‌له‌ك گرنگه‌ ئافره‌ت ل ده‌رڤه‌ی ماڵ كاربكه‌ت و شیانێن باش هه‌نه‌ و شیایه‌ هێزا خۆ بسه‌لمینیت بۆ هه‌میا پێدڤیه‌ پتر پشته‌ڤانیا ئافره‌تان بهێته‌ كرن كۆ ل ده‌رڤه‌ی ماڵ كاربكه‌ن ببن خودان كار.

زۆرترین بینراو