سوشیال میدیا لایەک بەرهەڵایی و لایەک میمبەرا مەزڵوما

عدنان محمدتاهر زێباری ، ئاکرێ

ئەڤرودا سەردەمی تەکنەلوجیادا کە هەر تشتەک هاتیه گوهارتن ، لایەک کەسانەک مفایێ ڤێ تەکنەلوجیا دبینن و چونکی تەندروست کاردئینن و لایەکێ دێ کەسانەک زیانێ لێ دبینن چونکی شاش کاردئینن ، میدیا ئەلکترونی سەردەمێ ئەڤرودا کاریگەریەکا هەرە مەزن کریە سەر خەلکی ، رەنگڤەدانا ڤێ کاریگەریێ سەر مروڤان دیارە .
ب گشتی سوشیال میدیایێ دا هەمی جورێن خوڤە خەلک دابەش کریە سەر دوو بەشان ، کەسانەک ڤان تورێن جڤاکی زوور خرابی و کارەسات کاردئینن ڤێجا ئەڤ خرابیە زوور جار بۆ بەرامبەریش بووە ، چەند جارا کەسێن پسپور ئەڤە نەڤەشارتیە و راگەهاندیە ، نمونە شارەزایەکێ دەرونی دکتور (کەریم شەریف قەرەچەتانی) ئەڤە روونی ئاشکرا کریە کە مەترسیەکا جدی هەیە.
دێ چەند خالان ل سەر خراب کارئینانا سوشیال میدیایێ دەینە دیاری کرن تایبەت(فیس بووک و سناپ چات و تیک توک) کە کاریگەریەکا وێرانکەر سەر لایەنێ دەرونێ و کومەڵایەتی و پەروەردەی هەیە ، ئەو کلتور و داب و نەریت و رەوشتێ تاکێ کورد یێ جوان بەرەڤ نەمانە.
. ئەو کەناڵێن راگەهاندنێ بەس نەبین بەڵاڤکرنا نەخۆشیا ناڤ مللەتی دا تایبەت ئەو زنجیرە فلمێن دوبلاجکری کاریگەریا وێ یا خراب دەردکەڤت کە نوکەژی بەردەوامە چ فلتەرەکێ تەندروست نیە ک تێدا دەرباز بیت ، لێ سوشیال میدیایێ کاریگەریەکا خرابتر کریە سەر کومەلگەهی و زوور خێزان هاتینە هەرفاندن ژ ئەگەرێ ڤان تورێن کومەڵایەتی کە روژانە گوهداری دکەین و چاڤ دبینین ، رێکا ڤان تورێن کومەڵایەتی خیانەتا خێزانی درووست بیە ، ماڵپەرێن سکسی کە کەسانەک پێ ئاڵودەبونە وەکریە کە رێژا دەست درێژیا سکسی روژ ب روژ زێدەتربیت ، رێکا ڤان تورێن کومەڵایەتی رێژا لێک جودابونا ژن و مێر روژ ب روژ زێدەبوون دایە ، رێکا ڤان تورێن کومەڵایەتی تەنانەت کوشتن هاتیە کرن ، ئامارێن دادگەهان باشترین شاهدن سەر ڤێ چەندێ . مەترسیا هەمیان پتر سنێلەنە ب جورەکێ کە مەترسی هەیە ئەڤ گەنجێن داهاتی بو مللەتی کە کەسێن بێ بەرهەم و نەزان بن و پاشەروژێ کومەلگەهەکێ نڤستی و شەلەلگرتی بەرهەم بهێن کە مەترسیا ناڤ چونا وەڵاتی هەیە ، زووربەیا کەسێن سنێلە هندی مژیلی یاریێن ئەلکترونی و ڤان تورێن جڤاکینە بێ مفا لێ وەرگرتن نیڤە ژ وێ مژیلی زانین و زانست و هاریکاری نینه.
یا راستی دا ڤێت حکومەت سنورەکێ بو ڤێ بەرهەڵایی دانیت ، وان ماڵپەرێن خراب دابێخیت ، چاکسازیەکێ ڤی هندێ دەست پێ بکەت خەلکی هشیار بکەت کە زیان بو کومەلگەهی هەمیێ هەیە کە جهێ ئەسەفە وەزارەتا رەوشەنبیری رولەکێ نەرێنی هەبووە .
لایەکێ دی سوشیال میدیا بیە هاریکارەکێ هەرە باش بوو گەهاندنا زانست و مەعریفە و لایەنێن ژیانێ ، ئەڤرو دا ئەڤ توره یێت بوە میمبەرەک بو دەنگێ مەزلوما بو گەهاندنا دەنگێ ئازادی و کە هەر هاوڵاتیەک تێدا داخازا مافێن خو دکەت و دەردو نەخوشیێن خو تێدا دئینت زمان ، ئەو پەیاما خو دگەهینت.
ئەڤرو دا ئەو پروژە یاسا لایێ پەرلەمانتارا هاتی ئازراند کە دایە پەرلەمانێ هەرێما کوردستانێ کە ب یاسا سوشیال میدیایێ سنوردار بکەن کە ئەگەر مەبەست لێ دەنگێ ئازادیێ و رەخنەگران هێشتا سنوردار بکەت ، رێکێ نەدەت دەنگێ رەخنەگران بلند بیت ، ل سەر پوستەکێ یان کومێنتەکێ سزایەکێ توند ڤی کەسی سزا بدەی هەتا 15 ساڵان زیندانی بکەی ئەڤە دژی وی ئازادیە ئەوا دەستوری رێ پێ هاتیە دان ، ڤێت سزایێ هەر گونەهکارەکێ دیڤ قەبارێ وێ سەرپێچیێ بیتن و نەزێدەتر ، ئەڤرو دا سوشیال میدیایێ رولەکێ دیارێ هەیی نیشاندانا شاشیێن حکومەتێ ژ بەر نەداپەروەریێ و هەبونا قەیرانان خەلک نەرازیە ڤێت ڤێرەدا پەیاما خو گەهینت شێوەکێ رەخنەگرانە ئەگەر رێگری هزرو بوچونێن جودا بهێت کرن و رێکێ نەدەن خەلک ئازادانە باخڤن ئەڤە دەست پێکەکا خرابە دیسان دژی بنەمایێن ئازادیە ، دژی وی ئازادیه ئەوا چەندین ساڵە مللەتی خەبات بو کری و خوین پێناڤ هاتیە رێتن.
دەرچونا هەر یاسەیەکێ ڤێت دژی بنەمایێن ئازادیا تاکی نەبیت ، رێگری کرن ژ هەر بەرهەڵایەکێ و سنور بەزاندنا ئازادیا بەرامبەر ناڤێ ئازادی ناڤ سوشیال میدیایێ دا ژ لایێ جهەتێن بەرپرس کارەکێ پیروزە و خزمەت هەمی رەنگان دکەت بو ئەڤرو و داهاتی .

بابەتى پەیوەندیدار بیروڕا

بیروڕا

زۆرترین بینراو