سوودەكانی گیایی تۆركە

سوودەكانی گیایی تۆركە

نوسینی - د. سۆران زراری
شارەزای نەخۆشییەكانی دڵ و هەناو

شارەزایانی بواری خواردن و گژوگیا ئامۆژگاری هاووڵاتییان دەكەن گیا بەهارییەكان بكەنە خواردنی سەرەكیان
وەرزی بەهار وەرزی زێرینەیە بۆ دەركەوتنی گژوگیا بەهارییەكان و بازارەكان پڕ دەبن لە چەندین جۆر، خەڵكێكی زۆر خواستیان لەسەر هەیە، شارەزایانی بواری خواردن و گژوگیا ئامۆژگاری هاوڵاتیان دەكەن گیا بەهاریەكان بكەنە خواردنی سەرەكیان، پێویستە هاوڵاتیان بە وریاییەوە ئەو گیایانە كۆبكەنەوە لە رەگەوە هەڵیان نەكێشن تا لەناو نەچن.
شارەزایان دەڵێن یەكێك لە گرنگترین سوودەكانی گیای بەهارە ئەوەیە كە هیچ ماددەیەكی كیمیای تێدا نییە، زۆر گرنگە هاوڵاتیان بتوانن گیا بەهاریەكان بخۆن، بەتایبەتی ژەمی ئێواران و ژەمی نیوەڕۆیان، خواردنی ئەو گیایانە سوودی تەندروستی زۆریان هەیە چونكە بڕێكی زۆرلە ئاو، ریشاڵەكان، ئاسن، كانزاكان، پڕۆتین و ڤیتامینەكانیان تێدایە، كە هەر یەكەییان سوودێكی تەندروستی خۆی هەیە، بۆ نمونە ماددەی ئاسن هۆكارێكی باشە بۆ رێكخستن كۆئەندامی هەناسەدان و هاوسەنگكردنی رێژەی خوێ
سوودەكانی تۆركە
١- رۆلێكی بەرچاوی هەیە لە چارەسەری ئازار بەتایبەت ئەگەر بەشێوەی دانان لەسەر شوێنی ئازارەكە دابنرێت بە لەفافێك ببەسترێت بۆ ماوەی یەك كاتژمێر.
٢- تۆركە سیستەمی بەرگری لەش بەهێز دەكات، دژە بەكتریا و ڤایرۆسە.
٣- لەكاتی هەبوونی هەوكردندا خواردنی تۆركە راددەی هەوكردن كەم دەكات.
٤- خواردنی توركە یارمەتیدەرێكی باشە بۆ كۆئەندامی هەناسە بەتایبەت لەرووی كەمكردنەوەی بەلغەم و خاوكردنەوەی لووسە ماسولكەی رێرەوی هەناسە.
٥- پیربوون دوا دەخات، چرچولۆچی كەمدەكاتەوە لەرێگەی درووستبوونی كۆلاجینەوە.
٦- چارەسەرێكی باشە بۆ گرفتەكانی كۆئەندامی هەناسە لەرێگەی خێراكردن و ئاسان كردنی هەرس.
٧- چارەسەرێكی باشی سرووشتیە بۆ گرفتی خەو، ئەگەر بگۆشرێت و ئاوەكەی بخۆرێتەوە.
زۆربەی سوودەكانی توركە لە چەند تاقیگەیەكی خۆراكی لە مەغریب بەشێوەیەكی زانستی سەلمێنراوە،
نابێت زیادەڕۆی لە خواردنی تۆركە بكرێت.

 

 

 

 

 

زۆرترین بینراو