سۆران دەبێتە میوانی زاخۆ

سۆران دەبێتە میوانی زاخۆ

زاری كرمانجی- سۆران: دوای ئەوەی هەفتەی رابردوو لە گەڕی پێنجەمی خولی نایابی تۆپی پێی كوردستان یانەی وەرزشی سۆرانی سێیەمی ریزبەند لەنێو یاریگەی رواندز میوانداری یانەی شێروانەی كردو یارییەكە بە ئەنجامی 1-1 كۆتایی پێهات, پێنجشەممەی داهاتووش دەبێتە میوانی یانەی زاخۆ, قوتابیانی مامۆستا رەفیق سەعید لەگەڵ شێروانە شێرانە جەنگان و لە تایمی دووەم كۆنتڕۆڵی تەواوی یارییەكەیان كردبوو, بەڵام نەتواندرا هەلەكان بقۆزنەوەو گۆڵی سەركەوتن تۆماربكەن, بە دۆڕانی سیروانی نوێ و بردنەوەی برایەتی سۆران بە جیاوازی گۆڵ هەر لە پلەی سێیەم مایەوە.
لەم بارەیەوە مامۆستا رەفیق سەبارەت بە یاری رابردوو لەگەڵ شێروانە لە لێدوانێكدا بۆ زاری كرمانجی گووتی" هەرچەندە یانەی شێروانە لە دوو تیپی خوارووی ریزبەندە بەڵام بە گۆڕینی راهێنەری یانەكە هەستمان دەكرد یاریێكی بەم شێوەیە ئەنجام بدەن و یاریزانەكانیان ئاستێكی باش پێشكەش بكەن, ئەوەبوو لە تایمی یەكەم فشاریان بۆ هێناین و توانیان لە دوو هەل گۆڵێك تۆماربكەن, ئێمەش لە دوو هەل سوودمان وەرنەگرت, بەڵام لە تایمی دووەم كۆنتڕۆڵی تەواوی یارییەكەمان كردو لە باڵەكان تۆپی زۆرمان بەرزكردن و نەمانهێشت یانەی میوان بحەسێتەوە ئەنجامەكەشی گۆڵی یەكسان بوونمان تۆماركردو هەلی زۆرمان لەدەستدا, سەبارەت بە یاری زاخۆ پێموایە یانەی زاخۆ بە ئاسانی لە یاریگەی خۆی نادۆڕێت و یارییەكەمان سەخت دەبێ, بەڵام زاخۆ لە دهۆك باشتر نیەو ئێمە توانیمان لە ناو دهۆك سەركەوتن دەستەبەر بكەین, پێشتر لە یاریێكی دۆستانە لەگەڵ زاخۆ بە ئەنجامی 3-3 یەكسان بووین و شارەزای خاڵە لاوازو بەهێزەكانی ئەو تیپەین. بۆیە هەمان رۆحیەت و باشی دەروونیمان هەیە كە بتوانین هاوشێوەی یارییەكەی دهۆك سەركەوتن بەسەر زاخۆ بەدەست بێنین".

 

 

زۆرترین بینراو