سۆران و رواندز لە ململانێ‌ و ركابەرییەكانی تۆپی دەست

سۆران و رواندز لە ململانێ‌ و ركابەرییەكانی تۆپی دەست

خولی تۆپی دەست بۆ یانەكانی كوردستان كەوتە رێ‌ و رێرەوی خۆی دەست دەس پێكرد، یەكێتی تۆپی دەستی كوردستان بۆ یانەكانی كوردستان رێخست بە تایبەت یانەكانی خاوەن تیپی تۆپی دەست كە 14 یانەی ئامادەی خۆیان دەبری بەشداریان لە خولەكەدا كرد، یانەكانیش بە سەر دوو گرووپ دابەشكراون، گرووپی یەكەم یانەی سۆران و رواندز لە خۆ دەگریت و سەرجەم یارییەكانی خولەكەش لە شاری هەولێر لە هۆڵی فەرەنسۆ هەریری بەرێوە دەچن.
یانەی رواندز لە یەكەم یاری خۆی لە خولەكە رووبەرووی یانەی بەردە رەش بوەوە، یاریزانانی یانەی رواندز لە سەرەتای هاوینەدا كورانی بەردەرەشیان تووشی رەشەممە كردو ئاستێكی بەرز و بەهێزیان پێشكەش كردو توانیان 32جاری تۆری یانەی بەردە رەش بهەژێن بەرامبەر بە 25 گۆڵ بۆ یانەی بەردە رەش، یارییەكەیان بە سەركەوتن بە كۆتا هێنا.
خولی تۆپی دەستی كوردستان بە سەر پەرشتی یەكێتی ناوەندی تۆپی دەستی كوردستان بەرێوە دەچیت، بە شێوازی دوو گروپ رێكخراوە و هەر گرووپەو 7 یانە لە خۆ دەگریت، لە هەر گروپێكدا چوار یانە سەركەوتن مسۆگەر دەكات بۆ خولی یانە پلە نایابەكانی كوردستان، یانەكانی دیكە لە خولی پلە یەكی كوردستان جێگیر دەبن.
لەم بارەیەوە سەرۆكی لقی هەولێری یەكێتی تۆپی دەست سامان كۆیی گووتی: خولەكە لە پێناو پێشخستن و خزمەتكردنی تۆپی دەستی كوردستان رێكخراوە، لە چەند ساڵی رابردوو بەهۆی قەیرانی دارایی زۆربەی خولەكانی كوردستان وەستانی تێكەوتبوو، ئەمساڵ دیارە تاكو رادەیەك باری دارایی هەرێمی كوردستان بەرە باشتر دەروات و خول و پاڵەوانیەتیەكانیش بۆ پێشكەوتنی وەرزش دەگەرێنەوە نێو مەیدانی ململانێی یانەكانی كوردستان، لە هەمانكاتدا هیوای خواست تۆپی دەستی كوردستان زیاتر پەرەی پێ بدرێت لە لایەن حكومەت و یانەكاندا چونكە ئازوومەندێكی زۆر لە وەرزشكارانی كوردستان لە خۆ دەگرێت، دەتوانم بلێم لە كوردستان دوای یاری تۆپی پێ‌ تۆپی دەست خاوەن پلەی دووەمی وەرزشەكانی كوردستانە.

بابەتى پەیوەندیدار وەرزشى

زۆرترین بینراو