سۆران چاوی لە پشتگیری و هاوكاری هەموومانە

سۆران چاوی لە پشتگیری و هاوكاری هەموومانە

م. رەزوان عەبدولقادر
ئەمرۆ لە جیهاندا وەرزش بۆتە پێگەیەكی گرنگ بۆ ناساندن و دەرخستن و تواناو لێهاتووی گەنجاو لاوان بەتایبەتی لە تۆپی پێدا، لە بەر ئەوەی زۆرترین ئارەزوومەندو هەوادارو یاریزانی لە سەرتاسەری دونیادا هەیە، بۆیە هەر تیپ و یانەیەك بیەوێ و نازناوێك دەستەبەر بكات بەخێرایی لە رێگای یاری توپی پێ، دەبێ هەوڵ بدات تیپێكی توكمەو وبەهێزی هەبێت و بتوانێ ركابەری بكا بۆ بەدەستهێنانی ئەنجامی باش و نازناوی گەورە , ئەوەی لێرەوە پێویستە ئاماژەی پێ بدەم یانەی سۆران وەرزشیە كە ئەم ساڵ بەشایستەوە توانی بگاتە خولی یانە نایابەكانی كوردستان و بەكۆمەلێك یاریزانی لاو وراهێنەرێكی بەتوانا توانیان ببنە ركابەری گشت یانەكانی تر و سەركەوتووانە ئامانجەكەیان پێكاو هاتنە ریزی یانە بەهێزەكانی كوردستان ,ئەم ساڵیش لە خولی نایاب یاری دەكات بۆیە گرنگە و ئەركە هەمووان هاوكاری و پالپشتی تەواوی یانەی سۆران بن بەتایبەت لە لایەن حكومەت و لایەنە پەیوەندیدارەكانی قەزای سۆران و خاوەن كۆمپانیاو سەرمایەدارەكان بەهەر جۆرێك بێت یارمەتی مادی و مەعنەوی ئەو تیپە بن و بودجەیەكیان بۆ تەرخان بكەن تاوەكو بتوانن ئۆردوگایەكی مەشق وراهێنان بكەنەوە و یاریزانەكان لە پەری ئامادە باشی دا بن لە رووی جەستەی و تەكنیكەیەوە و دابینكردنی مووچە بۆ گشت یاریزانەكان بۆ ئەوەی بتوانن بەهێزی و دلسۆزی و گروتینەوە یاریەكان بكەن و ببنە ژمارەیەكی قورس و ركابەری یانە بەهێزەكان لەسەر پلەكانی پێشەوەو دڵی هاندران و جەماوەری دەڤەری سۆران لەبەر ئەوەی سەركەوتن وبەدەستهێنانی نازناو شانازیە بۆ هەموو خەڵكی سۆران و دەوروبەری.

بابەتى پەیوەندیدار وەرزشى

بیروڕا

زۆرترین بینراو