سێیەم و كۆتا كتێبی پڕۆژە نووسینی ”هەگبەی زانین“

سێیەم و كۆتا كتێبی پڕۆژە نووسینی ”هەگبەی زانین“

محەمەد ئامۆكەیی- زاری كرمانجی: د. ساماڵ مانی لە دیدارێكی كورتی رۆژنامەوانی دا بۆ زاری كرمانجی باس لە ناوەڕۆكی كۆتا پڕۆژە نوسینی هەگبەی زانین دەكات و دەڵێت" جاران ئەمویست لەسەر ژن بنوسم لە فەلسەفەدا، ئەوە پێكهاتەی كتێبێك بوو لام سەبارەت بە فەلسەفە و ژن، ئێستا هەر ئەوەندە نیە باسەكە، بەڵكو لەسەرئەزموونی خۆم ئەنوسمەوە لە فەلسەفەدا لە كتێبێكدا سەبارەت بە ژن و فەلسەفە" كۆی ئەم دووە، ناوەرۆكی كۆتا كتێبی پرۆژە نوسینی ”هەگبەی زانین“ پێك دەهێنن."
ئەم جۆرە نوسینە كە ئەزموونی خۆمە لە فەلسەفەدا پێش نوسینی و لە كاتی نوسینیدا زۆر ئازارم ئەدەن، بە پێی زانستی سایكۆلۆجی بێت كە نووسینیان تەواو بوو زۆر لە ئازارەكانم ساڕێژ دەبن".
هەر ئەم بەشە كورتەی كتێبەكە كە نوسینەوەی ئەزموونەكەمە لە فەلسەفەدا، هۆی دواخستنی بڵاوكردنەوەی كۆتا كتێبی ”هەگبەی زانین“ بوو، بەڵام بڕیارمدا چیتر راینەگرم و پێ بەئازاری هەبوونم وەك ژنێك لە فەلسەفەدا لە كوردستان بنێم، ئەو ئەزموونەش بكەم بە تێگەیشتنێك و بیخەمە بەرچاوی ئەوانەی بەهەرجۆرێكی ئەكادیمی و دەرەوەی زانكۆكان لە فەلسەفەدا هەن لە كوردستان و ئەوانەش لەدوا ڕۆژدا دەیانەوێت لە فەلسەفەدا هەبن؛ چ ژن بن چ پیاو."

زۆرترین بینراو