سەدان مین و تەقەمەنی لەناوبردران

سەدان مین و تەقەمەنی لەناوبردران

زاری كرمانجی: لەلایەن تیمی تەقاندنەوەی مین و تەقەمەنییەكان، سەر بە بەڕێوەبەرایەتیی گشتیی كاروباری مینی هەولێر، سەدان مین و تەقەمەنی سەردەمی رژێمی بەعس لە باڵەكایەتی و مێرگەسۆر تەقێندرانەوە.
موخلیس شەریف، بەڕێوەبەری چالاكیی مینی سەر بە بەڕێوەبەرایەتیی گشتیی كاروباری مینی هەولێر، رایگەیاند: "لەدڕێژەی هەڵمەتی لەنابردنی مین و تەقەمەنی و پاش ماوەكانی، هەفتەی رابردوو لەلایەن تیمی (EOD) لە كۆێستانەكانی گۆندی ڕایەت لەدەڤەری باڵەكایەتی لەسنوری شارۆچكەی چۆمان، زیاتر 213پارچە مینی دژە كەسی و تەقەمەنی نەتەقاوە لەناوبردران، هەروەها رۆژی پێنج شەممە 4-7-2019 لەلایەن هەمان تیمەوە لە شوێنێكی تایبەتی سنووری شارۆچكەی مێرگەسۆر چەندین مین بەشێوەیەكی سەركەوتوانە لەناو بردران و تەقێندرانەوە، بەمەبەستی پاراستنی ژینگەی دەڤەرەكە لە ئەگەری ئاگر كەوتنەوە، لەكاتی تەقاندنەوەكەدا، خۆشبەختانە هێزەكانی ژینگە پارێزی لە شوێنەكە ئامادەبوون و چالاكیەكەمان بەشێوەیەكی سەركەوتوانە ئەنجامدرا".
ئەوەشی خستەروو "سەرجەم ئەم مین و تەقەمەنیانە لەلایەن تیمەكانی پاكسازی مین و تەقەمەمنییەكان كۆكرابوونەوەو لەپێناو سەلامەتی هاووڵاتییان گواسترانەوە، بۆ چاڵێكی دەڤەری باڵەكایەتی و سەرجەمیان بەسەركەتووی لەنابردران و تەقێندرانەوە.

 

زۆرترین بینراو