سەرتاشە تایبەتەكەی كریستیانۆ كوژراو دەنگۆی گەڕانەوەی بۆ ریال هەیە

سەرتاشە تایبەتەكەی كریستیانۆ كوژراو دەنگۆی گەڕانەوەی بۆ ریال هەیە

زاری كرمانجی-ئاژانسە هەواڵە وەرزشیەكان: كریستیانۆ رۆناڵدۆ یەكێكە لەو یاریزانانەی كە گرنگیەكی زۆر بە ستایل و شێوازی قژ و جل و بەرگی دەدات، هەربۆیە ئەو یاریزانە بەردەوام كەسی تایبەتی هەبووە كە ستایلی قژ و جل و بەرگەكانی بۆ رێكخستووە, لە روداوێكی نەخوازراودا ریكاردۆ ماركیز ستایلێستی قژی كریستیانۆ لە وڵاتی سویسڕاو لە شاری زیوریخ بە چەقۆ هێرشی كراوەتەسەرو گیانی لەدەستداوە، بەڵام تا ئێستا وردەكاری تاوانەكە نازانرێت تەنها ئەوە نەبێت كە كەسێكی بەڕازیلی تەمەن 39 ساڵ بە تۆمەتی كوشتنی ئەو سەرتاشە تۆمەتباركراوەو دەستگیركراوە, روداوەكە لە یەكێك لە هوتێلەكانی ئەو شارەی سویسرا رویداوە، سەرتاشەكەی رۆناڵدۆ دوو ساڵە لەو هۆتێلەدا دەژی و كاری میكیاج و سەرچاككردن دەكات.
یەكێك لە هەڵوێستەكانی ئەم ستایلێستەی رۆناڵدۆ كە دەنگدانەوەی زۆری بە میدیا جیهانیەكاندا هەبوو ئەوەبوو، كە گاڵتەكەی بەو كەسە كرد كەستایلی قژی مێسی رێكدەخات و بە كەسێكی كۆنەپەرست ناوی برد، ئەمەش لەكاتێكدا بوو كە رۆناڵدۆ لە ریاڵ مەدرید یاری دەكردو ركابەرییەكی سەرسەختی لەگەڵ مێسی هەبوو.
بەناوبانگترین ماڵپەڕی وەرزشی ئیتالی لە تازەترین ڕاپۆرتیدا سەبارەت بە كریستیانۆ رۆناڵدۆی ئەستێرەی یۆڤێنتۆس ئاشكرای كردوە كە ئەگەری بەهێز هەیە یاریزانە پورتوگالییەگە جارێكی دیكە بۆ یانەی ڕیال مەدرید بگەڕێتەوە.
لە لایەكی دیكەوە پێگەی فەرمی كاڵچیۆ میركاتۆ، بڵاویكردوەتەوە كە پەیوەندی نێوان كریستیانۆ رۆناڵدۆ لەگەڵ ساری ڕاهێنەر گەیشتوەتە ڕێگایەكی داخراو و ئەوەش بە تەواوی لە یاری ئای سی میلان دەركەوت، بەگوێرەی هەواڵەكە رۆناڵدۆ ئەگەری زۆری هەیە جارێكی دیكە بۆ یانەی پێشووی بگەڕێتەوە، بە تایبەتی دوای گەڕانەوەی زێدان بۆ ریال مەدرید، لەكۆتایی هەواڵەكەدا هاتووە كە ئەگەر ئەو كێشەیەی نێوان رۆنالدۆو ساری چارەسەر نەكرێت ئەوا ئەستەم دەبێت دۆن لەگەڵ یانەی خانمە پیرەكە بەردەوام بێت, لە لایەكی دیكەوە هەندێك لە رۆژنامە ئینگلیزییەكان ئەو كێشەیەیان بە بەرژەوەندی مانچێستەر یۆنایتد لە قەڵەم داوەو پێیان وایە ئەو جارە مانچستەر یۆنایتد هەلێكی باش و زێرینی بۆ رەخساوە بۆ ئەوەی رۆناڵدۆ جارێكی دیكە بۆ ئۆڵد ترافۆرد بگەڕێنێتەوە، بە تایبەتی گەر هەوڵەكانی بەرپرسانی یۆڤنتۆس بۆ باشكردنی نێوان رۆناڵدۆو ساری راهێنەر بە بن بەست بگات.

 

زۆرترین بینراو