سەركردەیەكی یەكێتی رەتی دەكاتەوە وێنە رووتەكان هی ئەو بن

سەركردەیەكی یەكێتی رەتی دەكاتەوە وێنە رووتەكان هی ئەو بن


زاری كرمانجی: چەند رۆژی رابردوو لە چەند پەیجێك، هەندێك وێنەی نیمچە رووتی پیاو و ئافرەتێك بڵاوكراونەتەوە، كە ناوی بەرپرسێكی باڵای یەكێتی لەسەرنووسراوە، ئەو بەرپرسەش رەتی دەكاتەوە ئەو بێت و دەڵێت ئەوە كارە داشۆراوە لە ئەخڵاق.
لەبارەی بڵاوبوونەوەی ئەو وێنانە لە تۆڕەكانی كۆمەڵایەتی، شێخ جەعفەر شێخ مستەفا ئەندامی ئەنجوومەنی باڵای بەرژەوەندییەكانی یەكێتی بۆ ماڵپەڕی وشە قسەی كردووە و دەڵێت " ئەو وێنانەی بڵاو كراونەتەوە دوورن لە راستی، خەڵكانێكن دەیانەوێت من لەكەدار بكەن".
شیخ جەعفەر زیاتر بۆ وشە دواوە و دەڵێت "سەردەمی پێشكەوتنی تەكنەلۆجیایە و ئەگەر كەسێك بیەوێت كەسێكی تر بشكێنێت، بەهۆی تۆڕەكانی كۆمەڵایەتییەوە بە هەزار شێوە لە كەداری دەكەن".
بەپێ بەدواداچوونەكان ئەو پەیچانەی وێنەكەیان لێ بڵاوكراوەتەوە سەربە گرووپێكی ناو یەكێتین و بەهۆی ململانێكانی ناو یەكێتی لە دوای كۆنگرە بە شێوەیەكی ئاراستەكراو كاری لەسەر كراوە، بۆیە شێخ جەعفەر بۆ ماڵپەڕی وشە دەڵێت " پێویستە ئەوانە وەڵامی ئەو پرسیارە بدەنەوە كە ناویان بە خیانەتكار ڕۆیشتووە".( وەك ئاماژەیەك بۆ گرووپی 16 ئۆكتۆبەر).
لە ماڵپەڕی وشە زیاتر هاتووە " بڵاوبوونەوەی ئەو وێنانە رۆژێك دوای لێدوانێكی شێخ جەعفەر هات بۆ دەنگی ئەمەریكا، كە لە وەڵامی پرسیارێكدا لەبارەی سەردانی شاندی ئێرانی بۆ لای كۆسرەت رەسوڵ و بافڵ و لاهوور تاڵەبانی، بۆ چارەسەركردنی كێشەكانی یەكێتی، لە وەڵامدا شێخ جەعفەر گووتی، ئێرانییەكان پێوەندییان لەگەڵ كۆسرەت رەسوڵ پچڕاندووە لە خیانەتی 16ی ئۆكتۆبەرەوە، بۆیە راست نییە و سەردانی ئەوانیان نەكردووە، بەڵام لەگەڵ خیانەتكارانی 16ی ئۆكتۆبەر كۆدەبنەوە و ئەوانەیش لای یەكێتی هەر بە خیانەتكار حسابن".

 

زۆرترین بینراو