سەرۆكی شارەوانی سۆران با شاسوار قەرزەكانی خۆی بداتەوە

سەرۆكی شارەوانی سۆران با شاسوار قەرزەكانی خۆی بداتەوە

زاری كرمانجی-سۆران: سەرۆكی شارەوانی سۆران هۆكاری دواكەوتنی پڕۆژەی دەروازەی شار ئاشكرا دەكات و وڵامی قسەكانی شاسواریش دەداتەوە.
ئەمیر فاخیر سەرۆكی شارەوانی سۆران، لە راگەیاندراوێكیدا، هۆكاری دواكەوتنی پڕۆژەی دەروازەی شاری سۆران، ئاشكرا دەكات و دەڵێت "ئەگەر ململانێ و دژایەتی و زێدەرۆیی و هەرەشەی گرتنی ئەندازیارانمان نەبوایە ئێستا لە مێژە پڕۆژەكە تەواو كرابوو، دەشڵێت "هەموو هاوشاریانم باش دەزانن كە چ محاربەیەك لە دژی خزمەتكردنمان هەیە بە شارە خۆشەویستەكەم. بەڵام رێبازی من رێبازە راست و چاو نەترسەكەی رێبازی بارزانیە و كۆڵم نەداوە و كۆڵیش نادەم و نەك تەنیا ئەم پڕۆژەیە، هەموو پڕۆژەكانی تری شارەكەم كە دەستمان پێكردوە تەواوی دەكەین. ئەمانەی رێگری دەكەن ئەی تا ئێستا لە كوێ بوون، ئەم برادەرەش كە باس لە تەواوكردنی پڕۆژەكە دەكات، با بچیت قەرزەكانی خۆی بداتەوە باشترە".
هاوكات قسەكانی سەرۆكی شارەوانی سۆران لە كاتێكدایە كە شاسوار عەبدولواحید، سەرۆكی بزوتنەوەی نەوەی نوێ‌، لە ئەكاونتی تایبەتی خۆی بڵاوی كردۆتەوە، ماوەی چوار مانگە حكومەتی هەریم و ئیدارەی شاری سۆران، دەروازەی شارەكەیان تێك داوە و بۆیان چاك ناكرێت، بۆیە تیمی ئەندازیاری نەوەی نوێ لە ماوەی یەك هەفتەدا ئەوە چاك دەكات كە ئەوان بە چوار مانگ تەواویان نەكردوە و ئێمە لە یەك هەفتەدا لە سەدا سەد تەواوی دەكەین.

زۆرترین بینراو