سەرۆكی یانەی ئاكرێ‌: بەهۆی نەبوونی پاڵپشتی ماددی لە خولی نایاب دابەزین

سەرۆكی یانەی ئاكرێ‌: بەهۆی نەبوونی پاڵپشتی ماددی لە خولی نایاب دابەزین

رەمەزان هەڕنی – ئاكرێ‌: یانەی ئاكرێ‌ وەرزشی دوای ئەوەی مۆڵەتی لە حكوومەتی ناوەندی و هەرێمی كوردستان وەرگرت ساڵی 1995 دامەزرا، تا ئێستا بەشداری چەندین پاڵەوانییەتی كردوە, ماوەی دووساڵە لە ریزی پلە یەكەكانی كوردستان یاری دەكات و نەیتوانیوە سەركەوێت بۆ خولی نایاب .
حەسەن حسێن، سەرۆكی یانەی ئاكرێ‌ وەرزشی لە دیمانەیەكدا بە زاری كرمانجی راگەیاند" یانەی وەرزشی ئاكرێ ساڵی 1996 یەكەم یاری فەرمی خۆی لەگەڵ یانەی رەبیعە ئەنجامداو توانی 6 گۆڵ تۆماربكات, بۆ یەكەم جار لەسەر ئاستی عێراق تەواوی یاریزانەكان خەڵكی ئاكرێ‌ بوون, یانەی ئاكرێ‌ 14 سەرۆكی یانەی گۆڕیون و یەكەم سەرۆك فەرزی مەلا عەزۆ بوو".
گووتیشی" لە یانەی ئاكرێ‌ پێشتر زیاتر گرنگی بە تۆپی پێ‌ دەدرا بۆ ئەوەی لە ریزی پلە یەك بمێنێتەوە, بۆیە لەگەڵ دەست بەكاربوونمان بڕیارمان داوە ئەمساڵ لەم مانگەدا خولێكی راهێنان بۆ لاوان و تازە پێگەیشتوان بكەینەوە, راهێنەرو ستافی كارمان دەستنیشان كردوە، لە هەمان كاتدا توانیمان تیپی تایكۆاندو رێك بخەینەوە بەشداری خولی پارێزگای دهۆك بكەین و یاری جۆدۆمان زیندوو كردەوە, فووتساڵی كچان لە ئاكرێ‌ دەستیان بەراهێنانەكان كردەوەو بەشدارییان كرد لە فووتساڵی كوردستان, چەندین یاری تر هەیە گرنگی پێ‌ بدەین بۆ ئەوەی لە هەموو خولەكان بەشدار بین و لە هیچیان بێ‌ بەش نەبین".
ئەوەشی خستەڕوو" یانەی ئاكرێ‌ بۆ تۆپێ‌ پێ‌ ئەمساڵ ئاستێكی باشی پێشكەشكرد, بەڵام نەیتوانی سەركەوێت و لە خولی پلە یەك مایەوە, یاریزانەكانمان لە هەڵبژاردەی عیراق لە یاری باتمتون لەسەر ئاستی عێراق خاوەنی توانای باشن، هەڤاڵ راهێنەری هەڵبژاردەی عێراقە سەرپەرشتی تیمەكە دەكات و هوزەڤان راهێنەری هەڵبژاردەی كوردستانە ئەندامی یانەی ئاكرێ‌ یە".
ئاماژەی بەوەشكرد" یانەی ئاكرێ‌ وەرزشی دوای ئەوەی وەرزی 2011 - 2012 بەشداری خولی پلە دوو كرد توانی ببێتە پاڵەوانی خول و سەركەوێت بۆ خولی پلە یەك، وەرزی 2014 - 2015 توانی بگاتە خولی نایابی كوردستان، بەهۆی نەبوونی ماددی و گەڕایەوە پلە یەك, ماوەی دووساڵە لە ریزی پلە یەك یاری دەكات, دوای ئەوەی كارگێری یانەی ئاكرێمان وەرگرت بۆ ئەوەی بتوانین سیستەمێكی كارگێری بە شێوەیەكی رێكوپێك درووست بكەین، ئاكرێ‌ خاوەن چەندین تیپی میللیە ژمارەیەكی زۆر وەرزشوانی دێرین و نوێی هەیە, بەڵام هیچ پاڵپشتیەك نیە بۆیە داوا لە حكوومەتی هەرێمی كوردستان زیاتر كار بۆ بوژاندنەوەی وەرزشی ئاكرێ‌ بكەن".
ئەوەشی گووت" یانەكەمان‌ گرنگیەكی باش بە یاریزانی ئافرەت داوە نمونەی زیندوومان هەیە كە كچان‌ لە چەندین یانەی كوردستان و هەڵبژاردەی عیراق رۆڵیان هەیەو نازناویان بەدەستهێناوە، لە هەمان كاتدا رێچكەشكێن بوون بۆ ئەوەی ئافرەتان زیاتر روو لە وەرزش بكەن, یانەكەمان‌ دوو یاریگەی هەیەو لەكار كەوتوون, بۆیە ناچارین لەكاتی ئەنجامدانی یاری روو لە یاریگەیەكی شارێكی تر بكەین, هەوڵی زۆرمان داوە یاریگەی ئاكرێ‌ بكرێتە تارتان, بەڵام نەمان توانیوە ئەو بڕە پارەیە كۆبكەینەوە كە 185 ملیۆن دینارمان پێویستە، پرۆژەی درووستكردنی مەلەوانگەی یانەی ئاكرێ‌ كە بڕیارە درووست بكرێت ئەوە دەبێتە پاڵپشتیەكی زۆر بۆ یانەكەمان‌ لەگەڵ ژمارەیەك پرۆژەی تر".

زۆرترین بینراو