سەكۆیەكی گەشتیاری لە خەرەندی رواندز كرایەوە

سەكۆیەكی گەشتیاری لە خەرەندی رواندز كرایەوە

 

لەپێناو خزمەتكردنی زیاتر بە گەشتیاران و پشودانی هاووڵاتیان و رێبواران، سەكۆیەكی گەشتیاری لەنزیك پردی كاولۆكان لەخەرەندی رواندز دەكرێتەوە. چیایی محەمەد، بەرپرسی بنكەی گەشتوگوزاری رواندز، رایگەیاند "لەپێناو خزمەتكردن بە گەشتیاران و هاووڵاتیان، سەكۆیەكی گەشتیاری لەكەولۆكان لەخەرەندی رواندز بەشێوازێكی سەردەمیانە دروستكراوەو دوای تەواو بوونی پڕۆژەكە بە ئامادەبوونی قائیمقامی رواندز و بەرپرسانی دام و دەزگاكانی سنوورەكەمان، سكۆیەكە كرایەوەو خرایە خزمەت گەشتیاران و هاووڵاتیان".
ئەوەشی خستەروو "گەشتیاران و هاووڵاتیان دەتوانن لەم سەكۆ گەشتیاریە پشوبدەن و كاتێكی خۆش لەگەل سروشت و دیمەنی جوان و سەرەنج راكێشی شوێنەكە بەسەربەرن.

زۆرترین بینراو