شادیە عەلی: رەوشی وەرزش بە گشتی لە باشوری  كوردستان خراپە

شادیە عەلی: رەوشی وەرزش بە گشتی لە باشوری كوردستان خراپە

محەمەد ئامۆكەیی- هەڵەبجە: شادیە عەلی رەشید، ئافرەتێكی وەرزشوانە چەندین ساڵە سەرقاڵە بە وەرزشكردن و ئێستا خوێندكاری زانكۆیە لە بەشی وەرزشی ئێواران، شادیە دانیشتوی شاری هەڵەبجەیەو لە تەمەنی منداڵیەوە حەز و خولیای بۆ وەرزش هەبووە, پۆلی شەشی سەرەتایی دەبێت دەستی بەیاری بالە كردووە، بەگووتەی خۆی: لە قۆناغەكانی ناوەندی و دواناوەندی و ئامادەییدا یاریزانێكی زۆرباشی یاری بالە بووەو بەشداری چەندین خولی كردووە, لەسەر ئاستی پەروەردەكان و بگرە لە كوردستان و عێراق و یاری كردووە بۆ یانەكانی رانیەو كۆیە، لەدیدارێكی زاری كرمانجیدا، شادیە عەلی, باس لە رەوشی وەرزش و چەند پرسێكی تری پەیوەست بەو بوارە دەكات و دەستپێكی قسەكانی بەوە دەست پێ دەكات كە لە ژیانی خۆی بەربەستی زۆری هاتۆتە پێش بەڵام بەسەریان زاڵبووەو دەڵێت" سەرەتا زۆرقورس وسەخت بوو كەمن دەستمكرد بە وەرزشكردن لەبەر ئەوەی رازیكردنی خاوەنەوادەكەم یەكێك بووە لەگرفتەكانی من، چونكە لەوكاتەدا وەرزشكردن عەیبە بوو, دواتر سوپاس بۆ خوا ئەو تێگەیشتنەی هەبوو ئاسایی بوویەوەو توانیم متمانە بۆ خانەوادەكەم درووست بكەم و پەرە بەو حەزەی خۆم بدەم و تاكو ئێستا بەردەوامم، بەڵام ئەوەی منی نیگەران كردووە لەم سەردەمی رۆشنبیرو فراوانی وەرزشدا, هاوڕێم هەیە بەدەست گرفتی خانەوادە دەناڵینێت و رێگری دەكەن لەوەی كە كچەكانیان ببنە وەرزشوان."
شادیە گووتیشی" وەرزش فاكتەرێكە بۆ بەرەو پێشڤەچوونی كۆمەڵگەو لەش و لارێكی تەندرووست, هەروەها ناساندنی نەتەوەی خۆت بەدونیا، بەڵام لە باشووری كوردستان رەوشی وەرزش لە ئاستیكی زۆر خراپ دایە كەمی كردنەوەی خول و پاڵەوانییەتییەكان, نەبوونی خولی ناوبژیوانی زانیاری دەربارەی یاری بالەو چەند پرسێكی تری تایبەت بەوەرزش, ئەمانە هەموو وایكردووە لێرە وەك پێویست گرنگی بە لایەنی وەرزش نەدرێت، لە لایەكی ترەوە نەبوونی یاریگەی تایبەت بە ئافرەتان گرفتێكی ترە بۆ ئێمەی وەرزشوانی ئافرەت، تابتوانین راهێنانەكانمان بەباشی بكەین، ئێستاش لە یاریگەیەك مەشق دەكەین كاشیەو هەموو یاریزانەكان دەناڵێنن بەدەست ئازاری پشت و قاچیانەوە، هەروەها نەبوونی بوددجە, ئەمەش گرفتیگەو رای یانەكانەو گوێ پێ نەدانی لایەنی بەرپرسی ئیداری و حزبی بە وەرزشی ئافرەتان كۆسپێكی گەورەیە و گرفتێكی تری كۆمەڵگەیە، هەندێك كەس هەن بڕوایان بەوەرزشی ئافرەتان نیە."
لە دوا پەیەڤەكانیشیدا شادیە عەلی وەرزشوان، ئەوەشی گووت" بۆ بەرەوپێشچوونی رەوشی وەرزش لە هەرێمی كوردستان، پێویستە گرنگی زیاتر بدرێت بە كردنەوەی خولی زیاترو دابینكردنی پێداویستیە وەرزشیەكان و موچەكانەكان, سەپۆرتكردنی وەرزشوانان و درووستكردنی قوتابخانەی تایبەتی وەرزش لەهەموو بوارەكاندا، بایەخدان بە وەرزشی قوتابخانەكان، ئەگەر سەیر بكەین لە كوردستان زیاتر گرنكی بەتۆپی پێ دەدرێت و یارییەكانی تر پشتگوێ خراون".

بیروڕا

زۆرترین بینراو