شارێكی گەشتیاری لە سۆران كرایەوە

شارێكی گەشتیاری لە سۆران كرایەوە

محەمەد ئامۆكەیی- سۆران: كەرتی گەشت و گوزار لە زۆربەی وڵاتانی دونیا بەكەرتێكی گرنگ دیاری كراوە ئەگەر چی باشوری كوردستان، شوێنێكی لەبارە بۆ راكێشانی گەشتیاری بیانی بەڵام تاكوو ئێستا نەتوانراوە پەرە بەم لایەنە بدرێت، لە ماوەی ساڵانی رابردوو لە زۆر ناوچەی كوردستان، شاری گەشتیاری كراونەتەوە سۆرانیش هاوشێوەی ئەم دەڤەرانەی كوردستان، بۆیەكەمجار شارێكی گەشتیاری لێكرایەوە و كە خۆی لە چەند بەشێكی جیاجیا دەبینێتەوە، بەكرانەوەشی ژماریەكی زۆر دەرچوی زانكۆ و پەیمانگە بونە خاوەن كار.
عیسا حاجی عەلی، خاوەنی شاری هەستی بۆ زاری كرمانجی، باس لە بیرۆكەو بەشەكانی ئەو شارە گەشتیاریە دەكات و دەڵێت" بەشی یەكەمی (شاری گەشتیاری هەستیمان) كردەوە كە پێكهاتوە لە (هۆڵی بۆنەكان ئەكوا پارك) هۆڵی لەشجوانی ئافرەتان و پیاوان مەلەوانگەی داخراو، ساوناو، گەرماوی هەڵمی ئافرەتان و پیاوان بە جیا) كە بە شێوەیەكی ئەندازەیی و ستانداردی جیهانی بنیات نراوە.
باس لەوەش دەكات" شاری گەشتیاری هەستی پڕۆژەیەكی گەشتیاری گرنگە بۆ ئەم ناوچەیە جگە لە خزمەتكردن بە خەڵكی هەردوو قەزای سۆران و رواندز، بۆ راكێشانی گەشتیارانی بیانیش بۆ ناوچەكە دەورێكی گرنگی دەبێت، بۆیە لە داهاتودا بەشەكانی تری پڕۆژەكەش دەكرێتەوە و فراوان دەكرێن خزمەتی كەرتی گەشتیاری حكومەتی هەرێم دەكات.
عیساحاجی، ئەوەشی گووت" ئەو شوێنەی شارەكەی لەسەر بنیات نراوە پێشتر شوێنی پەلەوەڕبوو، موڵكی خۆشمان بوو بۆیە بیرۆكەم بۆهات كە سۆران، پێویستی بەو جۆرە شارە گەشتیارییە هەیە، دوای روخانی شوێنەكە دەستمان پێكردوو توانیمان چەند بەشێكی لێ بكەینەوە، لەرووی نرخەوەش پرسیارمان كردووە لە هەموو شوێنەكانی تر بلیتی هەرزانترەو بۆ كەس و كاری شەهیدانیش بێبەرامبەر دەبێت و ئەگەر زانیشمان خەڵكێك دەست كورتە توانای ماددی كەمە گومانی تیانیە بۆ ئەوانیش بەخۆڕایی دەبێت.
دەرچوێكی زانكۆش بە ناوی خەرمان، ئاماژە بەوەدەدات" لە كوردستان بە سەدان دەرچوو لە ماڵ كەوتون و كاریان دەست ناكەوێت، كە منیش یەكێكم لەو دەرچوانە بۆیە گرنگی دان بەم جۆرە كەرتانە سودی زۆری دەبێت و لەهەر شارێك بە سەدان دەرچوو بكەونە سەركار ئەو لۆدەی ئێستا لەسەر حكومەت هەیە كەم دبێتەوە."
ئەو كچە ئەوەش دەڵێت" هاتنە پێشی ئافرەت لە سەرجەم كایەكانی ژیان پێویستە، ئێمە لەو شارە گەشتیارییە، زیاتر لە 30 كچ و 10 كوڕ، كەبەشێكی زۆریان دەرچوی كۆلیژ و پەیمانگان كار دەكەین و بە دڵنیاییەوە هەم بۆخۆمان هەمیش بۆ ماڵەوەمان باشترە لە رووی ماددییەوە.
كرمانج عێزەت، قائیمەقامی سۆران، گووتی" كرانەوەی شارێكی وەها گەشتیاری بۆ سنوورەكەمان شتێكی پێویست بوو بەدەستكەوتی دادانێین بۆ شارەكەمان، بۆیە وەك لایەنی پەیوەندی دار، بەهەموو شێوەیەك لەپشت پێشخستنی كەرتی گەشتیارین هاواكاری ئەو سەرمایەدارانەش دەكەین كە دەیانەوێت لە سۆران كاری وەها بكەن.

 

زۆرترین بینراو