شارەوانی خەلیفان دەست بەسەر ئاژەڵە بەڕەلڵاكان دادەگرێت

شارەوانی خەلیفان دەست بەسەر ئاژەڵە بەڕەلڵاكان دادەگرێت

سەرۆكایەتی شارەوانی خەلیفان هەڵمەتێكی فراوانی دەستبەسەر كردنی مانگاو ئاژەڵە خۆماڵییەكان لەناو شەقام و گەڕەكەكانی شارەدێی خەلیفان لە دەڤەری سۆران دەستپێكرد. تاریق ئیبڕاهیم، سەرۆكی شارەوانی خەلیفان بە زاری كرمانجی راگەیاند " بۆ جاری سێیەم و بەشێوەیەكی بەرفراوانتر هەڵمەتێكی دەست بەسەرداگرتنی ئەم مانگاو ئاژەڵە خۆماڵیانەمان دەست پێكردووە كە بەڕەلڵای گەڕەك و شەقامەكانی شاردێی خەلیفان دەكرێن، كە جگەلەوەی زیان بە درەخت و ژینگەی شاردێكەمان دەگێنن لەهەمانكاتیشدا دیاردەیەكی ناشارستانییەو بووتە بێزاری خەڵكەكە، داواكاریشین لە هاووڵاتییان هاوكارمان بن، بۆ نەهێشتنی ئەم دیاردەیە". گووتیشی، دوای دەست بەسەر داگرتنی ئەم ئاژەڵانە، وێڕای غرامەكردنی خاوەنەكانیان، بەڵێنامەشیان پێبڕدەكەینەوە، ئەگەر جارێكی دیكە ئاژەڵەكانیان بەڕەلڵا بكەنەوە سزاكانیان زیاتر دەبێت، هەروەها ئاژەڵەكانیان دەگوازینەوە بۆ شارەوانی سۆران.

 

زۆرترین بینراو