شارەوانی سیدەكان لەدەرەوەی سنوورەكەیان زبڵ و پاشماوەی سەر رێگاكان پاكدەكاتەوە

شارەوانی سیدەكان لەدەرەوەی سنوورەكەیان زبڵ و پاشماوەی سەر رێگاكان پاكدەكاتەوە


زاری كرمانجی-سیدەكان: سەرۆكایەتی شارەوانی سیدەكان، رێگای گشتی (سۆران-سیدەكان) لە زبل و پاشماوەكان پاكدەكاتەوە و داواكاریشە لەهاوڵاتییان ژینگەی شوێنە گشتییەكان بپارێزن.
عەبدلقادر حاجی ئەكڕەم، سەرۆكی شارەوانی سیدەكان، رایگەیاند "كەسانێك بەبێ‌ هەستكردن بە بەرپرسیاریەتی رۆژانە پاشماوەكانیان كۆدەكەنەوەو دەیانگوازنەوە بۆ سەر شەقامە گشتیەكان و لەوێ‌ فڕێی دەدەن، ئەوەش جگەلەوەی سیمایەكی ناشارستانی دەبەخشێت لە هەمانكانكاتیشدا نیگەرانی هاووڵاتیان و ژینگە پارێزانی لێكەوتۆتەوە، چونكە زۆربەی ئەم شوێنانە بەهۆی كوێستانی و بەرزی و سەرەنج راكێشی هاووڵاتیان رووی تێدەكەن".
گووتیشی "وەك هەست كردن بە بەرپرسیاریەتی هەرچەند شوێنەكە سنووری ئێمەش نییە، بەڵام وەك سەرۆكایەتی شارەوانی سیدەكان، هەستاین بە پاككردنەوەو لابردنی ئەم زبڵ و پاشماوانی رێگای سەرەكی (سۆران-سیدەكان) داواكاریشین لە هاووڵاتییان چیتر زبڵ و پاشماوەكانیان فڕێنەدەنە سەر ئەم رێگا گشتیانەو هەست بە بەرپرسیاریەتی بكەن.

بابەتى پەیوەندیدار جۆراوجۆر

زۆرترین بینراو