شارەوانی هەریر ئاگاداریەك بڵاودەكاتەوە

شارەوانی هەریر ئاگاداریەك بڵاودەكاتەوە

محەمەد ئامۆكەیی-هەریر:
سەرۆكایەتی شارەوانی هەریر، بەبۆنەی هاتنی جەژنی قوربان بۆ كار ئاسانی هاووڵاتییان و پیس نەبوونی ژینگە، دوو شوێنی دەستنیشان كردووە بۆ فڕێدانی پاشماوەی ئەو ئاژەڵانەی دەكەنە قوربانی.
زاهیر بناوی، سەرۆكی شارەوانی هەریر، بەزاری كرمانجی راگەیاند " جێگای نیگەرانییە ماوەی چەند ساڵە، خەڵكانێك پێست و سەرو پێ پاشماوەی جەستەی ئاژەڵان، بێ گوێدانە پیسبوونی ژینگەو بڵاوبوونەوەی بۆنی ناخۆش و هیلاككردنی ژینگەپارێزانی شارەوانی، پاشماوەكان لە رۆژانی جەژن فڕێ دەدەنە سەر شەقامی گشتی ئەوەش بۆتە مایەی بێزاری ئێمەو ئەو خەڵكەی بەوێ تێپەڕدەبن".
ئاماژەشی بەوەدا " لە پێناو كەمكردنەوەی ئەم دیاردە ناشارستانییە، دوو شوێنمان دەستنیشان كردوون لە (ناو كۆمپانیای پاكە كەرەوە كە نزیكە لە شارو ئەوەی تر لە نزیك دەربەندۆك) بۆیە داوا لە هاووڵاتییان دەكەین هاوكارمان بن. هەر كەسێكیش لەشوێنی نەشیاو ئەم پاشماوانە فڕێبدات، ئاگادارمان بكەنەوە تا رووبەڕوی یاسا بكرێنەوە.

زۆرترین بینراو