شاكیرا: نامەوێ‌ هاوسەرگیری لەگەڵ پیكێ بكەم

شاكیرا: نامەوێ‌ هاوسەرگیری لەگەڵ پیكێ بكەم

زاری كرمانجی- ئاژانسە هەواڵییە وەرزشییەكان: گۆرانیبێژی كۆڵۆمبی شاكیرا، هۆكاری ئەنجامنەدانی هاوسەرگیری لەگەڵ یاریزانی ئیسپانی جیرارد پیكێ ئاشكرا دەكات.
لەگەڵ ئەوەی شاكیرا ماوەی 10 ساڵە پەیوەندی خۆشەویستی لەگەڵ پیكێ هەیە، خاوەنی دوو منداڵن، بەڵام تا ئێستا ژیانی هاوسەرگیریان پێكنەهێناوە، شاكیرا لە میانەی چاوپێكەوتنێكدا لە بەرنامەی 60 Minutes دەربارەی ئەو بابەتە روونكردنەوەیداو گووتی" راشكاوانە دەڵێم ترسم لە هاوسەرگیری هەیەو نامەوێ پیكێ من وەكو هاوسەرێك ببینێت".
گووتیشی" دەمەوێ وەكو دوو خۆشەویست بەم شێوەیەی ئێستا بمێنینەوە، بەم شێوازە تێدەگات درێژەدان بە پەیوەندیەكەمان بەندە بە رەفتاری هەردووكمانەوە نەك هاوسەرگیری".
پەیوەندی خۆشەویستی شاكیراو پیكێ ساڵی 2010 دەستی پێكرد، گۆرانی (وەكا وەكا) بووە هۆكاری یەكترناسینیان، دوای ساڵێك شاكیرا ئاشكرایكرد پەیوەندی لەگەڵ پیكێ هەیە، لە ئێستادا خاوەنی دوو كوڕن بە ناوی میلان و ساشا.

زۆرترین بینراو