شاندی دانوستکاری حکوومه‌تی هه‌رێم له‌گه‌ڵ په‌رله‌مان كۆدەبێتەوە

شاندی دانوستکاری حکوومه‌تی هه‌رێم له‌گه‌ڵ په‌رله‌مان كۆدەبێتەوە

زاری كرمانجی - هەولێر : به‌مه‌به‌ستی به‌رچاوڕوونی فراکسیۆنه‌کانی په‌رله‌مانی کوردستان، شاندی حکومه‌تی هه‌رێمی کوردستان دێنه‌ په‌رله‌مان.

ئومێد خۆشناو سه‌رۆکی فراکسیۆنی پارتی ڕایگه‌یاند که‌ ڕۆژی یه‌کشه‌ممه سعات 11 شاندی حکوومه‌ت دێنه‌ په‌رله‌مان و له‌گه‌ڵ سه‌رۆکایه‌تی په‌رله‌مان و سه‌رجه‌م سه‌رۆک فراکسیۆنه‌کانی په‌رله‌مان کۆده‌بنه‌وه‌.

ته‌وه‌ره‌کانی کۆبوونه‌وه بریتیه‌ له‌ به‌رچاوڕوونی دانوستانه‌کان و دواین پێشهاته‌کان و ئه‌نجامی دیدارو کۆبوونه‌وه‌کانی چه‌ند ڕۆژی ڕابردووی شاندی حکومه‌ت له‌ به‌غدا.

هه‌روه‌ها سه‌رۆکی فراکسیۆنی پارتی گوتی: بابه‌تی بودجه‌ی هه‌رێمی کوردستان و مسته‌حه‌قاتی هه‌رێم و کێشه‌ی ناوچه‌ کوردستانیه‌کانی ده‌ره‌وه‌ی ئیداره‌ی هه‌رێم وهه‌نگاوه‌کانی پێکهێنانی حکومه‌تی عێراق و بابه‌تی نه‌وت گفتوگۆی ده‌رباره‌وه‌ ده‌کرێ.

زۆرترین بینراو