شنۆ محه‌مه‌د زاخۆ : پیاو ئەتوانێت بە نوسینەكانم ھەست بە ناخی ژن بكات

شنۆ محه‌مه‌د زاخۆ : پیاو ئەتوانێت بە نوسینەكانم ھەست بە ناخی ژن بكات


زاری كرمانجی – ره‌مه‌زان هه‌رنی : خاتوو نه‌شاعیری كورد شنۆ محه‌مه‌د زاخۆ كه‌ یه‌كێكه‌ له‌ شاعیره‌ دیاره‌كانی كوردستان خاوه‌ن ئه‌زموونێكی زۆره‌ له‌ بواری شیعر نووسین و زوو به‌زوو له‌ كۆرو سیمناری ئه‌ده‌بی و شیعر خوێندنه‌وه‌ ده‌ردكه‌وێت به‌ رێژه‌یه‌كی زۆر به‌رگری له‌ مافه‌كانی ئافره‌تان ده‌كات له‌ شیعره‌كانی دا.
شنۆ محه‌مه‌د زاخۆ له‌ دیمانه‌یه‌كدا به‌ زاری كرمانجی راگه‌یاند : سالانێكی زۆرە كە دەستم بە نوسین و خوێندن كردوە و لە شیعری فارسی دەستم پێكردوە و ھاندەرم بۆ نوسین شاعیری گەورەی ئیران فروغ فەروخزادە بوە كە ئەتوانم بلێم ماموستای نوسینمە ،كە ژن دەستی بە نوسین كرد و وەك ژن نوسی ئەوە بەرگری بۆ ژنە لە نوسینەكانی من زیاتر بۆ پیاوە و بە زمانی ژن ، پیاو ئەتوانێت بە نوسینەكانم ھەست بە ناخی ژن بكات.
گوتیشی : عەشق لەم سەردەمە بۆنی نەماوە و ھەمووی بۆ بە حەزی كاتی و ناتوانین بلین عەشقی راستەقینە دەوری ھەیە لە نوسین بەس ئەتوانین عەشقیكی خەیالی ھەبێت كە ھێز بێت بۆ نوسین و خەیالی فراوان ،كەسیك كە دەستی بە نوسین كرد ئەبێت بۆ رەگەزی بەرامبەر بێت ھەتا خوینەر بزانێت كە ھەستی واقع چیە بویە ھەموو نوسینەكانم بو رەگەزی بەرامبەرە .تا رادەیەكی زور پەیامی ژنم گەیاندووە و ئەتوانم بلێم رازیم لە نوسین و پەیام و خەیالم.
ئاماژه‌ی به‌وه‌شكرد : جیاوازی دەگەرێتەوە بو بیرو فیكری نوسەر كەسیك كە خوی بە نوسەر و شاعیر دەزانیت ئەبێت راستگو و بوێر بێت لە روی نوسین نوسەرت بو دەرئەكەوێت پیاو ئەبێت وەك پیاو بنوسێت و بیر بكاتەوە و ژن ئەبێت ژنانە بنوسێت بو پیاو بێت زۆر لەو ژنانە كە خویان بە شاعیر دەزانن نوسینەكانیان ھیچ بەھای نیە و ھەموی لە ئاستی نزم و لاوازیە بویە ناتوانن بوێر بن و لەگەل نوسینی پیاوتن جیا نابیتەوە ، ئەگەر ھەرچیه‌كت لە دل بێت و بینوسی ئەوە شیعر نیە دەفتەری یادەوەریە ، نابیت ژیانی تایبەت لەگەل خەیالی نوسین تێكەل بیكەین شیعر یانی ئیلھام كە لە ناخەوە دێت و ھەستت پێ ئەبەخشیت .
ئاماژه‌ی به‌وه‌شكرد : ترس لای من وشەیەكی بێ مانایە ئەبێت ئەوە برانین ترس تامی ژیانت لێ وەرئەگریت و ئەتكات بە كویلەی كوملگا بویە بروام بە وشەی ترس نیە و نابیت ھەزاران جار توشی كێشە بووم و ھیچ گرینگم بە قسەی خەلك نەداوە و بوم گرینگ نیە چون بیر دەكەنەوە و چ بریارێك ئەدەن تەنیا ھەدەفی من نوسینە بە زمانی ژنانە و بویرانە .
ئه‌وه‌شی گووت : چاپكردن و كلیپ زور كارێكی ئاسانە و بە برێك پارە جوانترین كلیپ و كتێبت بو چاپ ئەكەن رێكخراوی بێ ئیش و لاوازمان ھیندە زۆرە كە بەو كارانە كاتی خویان پر ئەكەنەوە ،ئەبێت لەوە بزانین كە كتێبی كە چاپ ئەبێت و كلیپ بو كێ ئەكرێت بویە بروام بەو شتانە نیە ھەمانە سالی دوو كتێب چاپ دەكات پێ دەلێن بو كتێب چاپ دەكەیت ئه‌لێت ئەی شێركو بێكەس بو كتێبی چاپ كردوە و ھیچ لە نوسینەكانی لە ئاستی لاوازی و بێتامیە نە كاتی خوم بو ئەوشتانە ته‌رخان دەكەم و نە بروام ھەیە بو ئەو نوسەرانە ،سال ٢٠١٠ كتێبی جێژوان لە وەزارەتی روشنبیری بە چاپ گەیاند و ئێستایش بە ھوی قەیران كتێبی دووھەمم چاپ نەكردوە .
روونیكرده‌وه‌ : خەیال لای من زور گرینگە ئەو جوانیە و راستی و پاكی لە خەیال ھەیە لە واقع نیە و نابیت خەیالی رەنگ و تامێكی نایبەتی ھەیە لە ژیانمدا ،ناتوانم بلێم كەسیكی تایبەت پالەوانی نوسینەكانمە من كە لە واقع تامی راستەقینەم نەبینیوە چون ئەتوانم پالەوانم ھەبێت ، نوسینەكانم بەردەوامە و پرۆژەی تایبەتم وەك ھونەر ھەر ئەوەیە ،ئەمەویت بە ژیانی تایبەتی خوم ھیندە مەشغول بم كە بتوانم بە شیوەیكی جوانتر بنوسم و فیكرم فراوانتر بكەم.

 

 

 

زۆرترین بینراو