شیرین كافی: لەدەستدانی دایكم  بۆ هوكاری ئەوەی شیعر بنووسم

شیرین كافی: لەدەستدانی دایكم بۆ هوكاری ئەوەی شیعر بنووسم

ئا/ رەمەزان هەرنی: شاعیرو چالاكوانی مەدەنی شرین كافی، بە رەچەڵەك خەڵكی كەركووكە و ماوەی چەند ساڵە لە هاندەران دەژیت و لەگەڵ ئەوەشدا شیعر دەنووسیت و لە ئەڵمانیا كاری وەرگێرانیش دەكات.
شرین، بە زاری كرمانجی گووت " لەشاری كەركووك لە دایك بوومە لە بازیان و سلێمانی ژیاوم , (كافی) ناوی دایكمە و نازناوی منە, تەمەنم دوو ساڵ بووە كە دایكم لە دەستداوە, بۆیە نازناوم ناوی دایكمە (كافی). ئێستاش ماوەی چەند ساڵە لە ئەڵمانیا دەژیم, هەمیشە هەوڵ دەدەم لە قوڵایی دڵی مرۆڤەكاندا بم, هەمیشە ویستوومە بەسادەیی بنووسم و بەسادەیی بژیم".
شرین گووتیشی" لە كۆتایی ساڵی هەشتاكانەوە دەستم بۆ قەڵەم بردووە, بەڵام نەمدەتوانی خۆم بدۆزمەوە لە هیچ بوارێكدا, بەڵام قەڵەمم كە گرت بۆ كاری سیاسی و چیرۆك نووسین، بەڵام هیچ یەكیان بەرهەمی نەبوو، ساڵی 1996 سەفەری هاندەرانم كرد و لە ئەلمانیا گیرسامەوە، ساڵی 2011 دووبارە قەڵەمم گرتووەو زانیم چی بنووسم، ئەویش نووسینی پەخشانە شیعرە، لەو كاتەوە تا ئێستا بەردەوامم , دووری دایكم بووە هۆكاری ئەوەی شیعر بنووسم، یەكەم شیعریش كە نووسیم بۆ دایكم نووسیم, نازانم من شیعر دەنووسم یا شیعر دەمنووسێتەوە, شیعر نووسین كات و ساتی نییە هەمیشە ئەبێ شاعیر لە ئامادە باشیدا بێت بۆ نووسینی شیعر".
كافی روونیكردەوە" لە نووسینەكانمدا هەمیشە لەگەڵ منداڵیدا دەژیم, ئاواتە خوازم جارێكی تر بگەرێمەوە بۆ سەردەمی منداڵی, سەڕەڕای ئەوە منداڵی بۆ من زۆر سەختە, چونكە ژیانم لە منداڵدا زۆر ناخۆشبوو بەهۆی لە دەستدانی دایكم، بەڵام ئەو ناخۆشیانە بوو منی فێری نووسینكرد، فێری ئەوەی كردم قەت نەترسم, هەمیشە دەمەوێت بەردەوام بم لە نووسینی شیعر، بەڵام شیعر رێگایەكی دوورە و منیش لەسەرەتای رێگام دوای چەندین ساڵ شیعر نووسین".
ئەوەشی خستەروو " لە نووسیندا هیچ كاتێك تووشی پەشیمانی و دڵەڕاوكێ نەبوومە سەڕەڕای ئەوە لە تاراوگە دەژیم و ژیانكردن سەختە, بە جۆرێك بەتەنیا بژیت و منداڵ بەخێوكەت, زۆرجار بەهۆی كاری رۆژانە دوور كەوتوومەتەوە لە نووسین، بەڵام قەت تووشی دڵەڕاوكێ نەبوومە, هەمیشە چیم ویستبێت بە ئازادی نووسیومەتەوە, شیعر بۆ خۆم دەنووسم و پاڵەوانی شیعرەكانم بە زۆری خۆمم، خۆم لەناو شیعرەكاندا دەبینمەوە, بەڵام هەر شیعرێك كەسێك پاڵەوانە جارێك دایك و جارێك نیشتیمان".
كافی ئاشكرایكرد" شیعر بۆ پیاوانیش دەنووسم زۆر بەسەر بەستی, بەوەش دەنووسم كەسێك لەژیانی كەسێك دەركەوێت و تێكبشێت، بەڵام مەرج نییە هەموو شیعرێك لەسەر خۆم بێت، لەوانەیە چیرۆكی كەسێك بێت, بەڵام تا ئێستا هیچ شیعرێكم نەكراوە بۆ گۆرانی و سیدیشم نییەو چاپیشم نەكردووە، بەڵام بەرنامەی چاپكردنی بەرهەمێكم هەیە لەگەڵ تۆمار كردنی هەندێك شیعر بەدەنگ , بەهۆی خەرجی زۆری چاپكردنی بەرهەم لە دەرەوەی كوردستان نەمتوانیوە لە دەرەوە شیعر چاپ بكەم".
لە كۆتایدا شرین كافی گووتی " هەندێك جار بەربەست دێتە بەردەمم و دەبێتە هۆی دڵگرانی، بەڵام نەوەستاوم, خۆشەویستی مرۆڤ پێ دەگەینێت, كەس و كاری خۆم هەموویان رێگربوون، بەڵام رەقی ژیان وای لێكردم كەسێكی بەهێز بم، چاوەرێی كەس ناكەم یارمەتیم بدات، دەمەوێت خۆم لەسەر پێكانم بوەستم.

 

بیروڕا

زۆرترین بینراو